Judimendiko bizilagunek aurrerapauso bat eman nahi dute joko aretoaren kontra

  • ‘Judimendik joko aretorik ez’ deitutako dinamikari ekingo diote bizilagunek eta soinean txapak jantziko dituzte. Gainera, balkoietan eskegitzeko banderolak ere egin dituzte eta joko aretoan ez kontsumitzeko deia egin dute, auzokideak konpromiso pertsonalak hartzera animatuz.

Artikulu hau CC BY-SA 3.0 lizentziari esker ekarri dugu.

2019ko apirilaren 08an - 11:15
(Argazkia: Topatu)

Jatorri, pentsaera eta adin anitzetako auzokideak bildu ziren larunbatean Judimendiko auzobizitzaz zein egoeraz ‘kezkaturik’, Duela bi urte Salón de Juegos Premium lokala ireki zutenetik egin duten bidea ekarri zuten gogora eta orain, auzo gisa ekiteko momentua dela adierazi dute. Horretarako ‘Judimendik joko aretoari ez’ dinamika abiatu dute.

“Salón de Juegos Premium jokoa saltzera bideratuta dagoen negozioa da. Jokoak eragiten duen adikzioa eta menpekotasunetik etekina ateratzen duen negozioa, alegia”, azaldu dute eta honen inguruan Gazte Asanbladak egin dituen lanketak aipatu dituzte: “Bertan behaketa lanak egiteaz gain, joko aretoak auzora zekarrena konpartitu egin izan du auzokideekin, prentsaurreko, ohar, txosten zein hitzaldiren bitartez besteak beste”.

Argi utzi nahi izan dute, gazteez gain, gainerako auzokideak ere egoeraren “seriotasunaz” jabetu direla eta auzo bezala aurrerapauso bat eman nahi izan dutela. Joko Aretoak Judimendiko auzobizitza arriskuan jartzen duela ohartarazi dute:“Indibidualismora garamatza, menpekotasun zein prekarietatea sortzen du eta inguruko taberna eta dendei konpetentzia ez-leiala egiten die, besteak beste. Horren adibide dira auzoko bi tabernek ateak itxi behar izatea, langileak lanaldi amaigabeak egitera behartuta egotea, joko aretoa 24 orduz zabalik egoteko, edota auzoko gazteenen adikzioa jokoarekiko”.

Dinamika berria

Joko aretoa bultzatu nahi duten auzo ereduarekiko guztiz kontrajarria dela azaldu dute Judimendiko bizilagunek eta ‘Judimendik joko aretorik ez!’, deituriko dinamikari ekingo diote. Abiapuntu bezala, bi baliabide eskaini dituzte: “Batetik, gure etengabeko desadostasuna erakutsiko duten txapak soinean eramatea eta bestetik, etxeetako balkoietan joko aretoaren aurkako gure jarrera argi utziko duten banderolak zintzilikatzea”.

Gainera, Joko Aretoan ez kontsumitzeko deia luzatu diete auzokide guztiei: “Maila pertsonalean bertan ez kontsumitzeko hartzen dugun konpromisotik, erantzun bateratu eta irmoa eman nahi dugu. Arazo kolektiboa den heinean, auzokide guztien parte hartzea eta konpromisoa ezinbestekoa da”.

Albiste hau Topatu-k argitaratu du eta CC-by-sa lizentziari esker ekarri dugu.


Kanal honetatik interesatuko zaizu: Apustu etxeen gorakada
2023-02-08 | Jon Torner Zabala
Osasuna futbol taldeak akordioa egin du beste apustu etxe batekin

Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.


2022-09-05 | ARGIA
Joko patologikoari aurre egiteko gida plazaratu du Jaurlaritzak

Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.


2022-02-16 | Leire Artola Arin
Joko areto kopurua murriztuko dute eta horietara sarbidea kontrolatuta egon beharko da aurrerantzean

Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.


2021-10-28 | ARGIA
Jaurlaritzak jokoaren erregulazioa "gogortuko" du, "joko patologikoari aurrea hartzeko"

Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]


Apusturako deia, langileen auzoetatik

Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.


Eguneraketa berriak daude