Josu Barambones Zubiriak irabazi du aurtengo (H)ilbeltza beka

  • Euskal Herrian literatura beltza sustatzeko bekaren bigarren edizioan Josu Barambones saritu dute. Barambonesek Patricia Highsmithen “The Blunderer” nobela euskaratuko du.

ARGIA @argia
2018ko irailaren 19a
(Argazkia: Xorroxin Irratia)

Baztango Udaletxean egindako agerpenaren bitartez jakinarazi dute II. (H)ilbeltza bekaren onuradunaren izena. Aurtengo sariaren xedea da Highsmithen “The Blunderer” euskarara itzultzea, eta beraz, beka deialdian parte hartzeko lanaren 29. atalaren itzulpena aurkeztea eskatu zuten antolatzaileek. Barambonesek aurkeztu duen itzulpena hautatu dute jasotako lanen artetik.

(H)ilbeltza elkarteak eta Baztango Udalak Txalaparta argitaletxearen laguntzarekin martxan jarritako beka da (H)ilbeltza, euskal literatura beltza sustatu eta munduko literatura beltzeko lanak euskaratzea asmo duena.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Literatura

Literatura kanaletik interesatuko zaizu...
Azkenak
EGILEA
Eguneraketa berriak daude