Jaurlaritzaren Hezkuntza Saila eta kontratazio berriak: jarrera aldaketa, ala immobilismoaren zuriketa?
Ikasturteari hasiera emateko baldintzak eta COVID-19ak sortutako egoerari aurre egiteko planteamendua eztabaidagai bizia izaten ari dira hezkuntza komunitatean. Aurrez aurreko hezkuntza eta osasun baldintzak bermatzeko irakasle gehiago kontratatzeko aldarria orokortua da. Aste honetan bertan, Steilas sindikatuak 6.000 irakasle berri eskatu ditu helburu horiek bete ahal izateko, edo EAEko Filosofia Irakasleak biltzen dituen Agora Filosofia Elkarteak “garbitzaile, administrazio-langile, irakasle eta laguntzaile gehiago” eskatu ditu. Biek bat egin dute hausnarketa berean: Jaurlaritzak berak eskola eta ikastetxeentzako prestatutako protokoloa ez da gauzagarria langile gehiago kontratatu gabe.
Osasun larrialdian erabakiak hartzeko osatutako Larrialdiari Aurre Egiteko Bidea (LABI) batzordeak bilera egin osteko prentsaurrekoan, asteartean, Jarduneko Hezkuntza sailburu Cristina Uriartek ikasturte hasierarako Jaurlaritzak dituen asmoak aletu ditu. Jaurlaritzak hiru agertoki posible aurreikusi ditu hezkuntzari begira, baina Uriartek adierazi du apustua aurrez aurreko hezkuntzaren aldekoa dela.
Kontratazio berriak?
“Kontziente gara irakasle gehiagoren eskari orokor bat dagoela”, esan du Uriartek. Eskolaz eskola beharrak aztertuko direla ziurtatu, eta horren arabera irakasle gehiago kontratatzeko aukera zabalik utzi du. Aitortza horrek Jaurlaritzaren jarrera aldaketa irudika lezake, orain arte irakasle gehiago kontratatzeko aukera baztertu baitu. Baina orokortasunetik zehaztasunetara jotzean, argi geratu da kasurik onenean ere hezkuntza komunitatearen aldarrikapenetatik urrun geratuko direla kontratazio berriak.
Oro har, eskola eta ikastetxeetan egun dauden ratioak legez ezarritako gehienezko mugaren azpitik daudela azpimarratu du Uriartek –ez dirudi harrotzeko motiboa, kontrakoa litzateke salagarria–. Onartu du ondoren ratioaren bataz bestekoaren gainetik daudela zenbait ikastetxe –bataz bestekoek hori dute, bataz bestekoak direnez beti egon direla batzuk gainetik eta beste batzuk azpitik–, eta kontratazio berrien aukera horietara mugatu du. Aukera ordea, ez konpromisoa. 50 ikastetxe dira bataz bestekoaren gainetik dauden ikastetxeak, Uriarteren esanetan. Baina hezkuntzako eragileak eskola eta ikastetxe guztietarako ari dira exijitzen irakasle eta langile gehiago, Jaurlaritzak berak ezarritako Lan-arriskuen prebentziorako neurriak EAEko ikastetxeetan, COVID-19ren eraginpean egoteko arriskuari aurre egiteko protokoloa aplikagarria izan dadin. “Bertan jasotakoa betetzea ezinezkoa izango da ikastetxeetan langile gehiago ez badaude”, adierazi du EAEko irakaskuntzan nagusi den Steilas sindikatuak aste honetan.
Ez dirudi oso zentzuzkoa esku batekin protokolo bat ezartzea, eta bitartean, bestearekin hori betetzeko baldintzak ez bermatzea. Antza denez, hori da Jaurlaritzaren eta Hezkuntza Sailaren asmoa. Hezkuntza komunitateak eta jendarte osoak pairatuko lituzke horren ondorioak.
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Hezkuntzari buruzko eztabaidan, gutako batzuk erabiltzen ari garen neologismoa (uste dut horrela deitu ahal diogula) da pedagogismoa, agian azalpenik behar duena. Asmoa da pedagogiari aukera bat ematea, bi gauzak bereizita. Zientifizismoa eta zientziaren arteko bereizketan... [+]
Animalia askok biziraupen estrategia gisa darabil taldearekin bat etortzea. Izaera hori mespretxatu da sarri, kolektibo asko artaldeekin parekatuz, gidatua izan behar duen izaera propiorik gabeko masa bailitzan. Baina kolektibitateak, mehatxua susmatzen duenean, badaki bere... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute... [+]
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
“Pantailak utzi erronka” hasi dute, maiatzaren 13tik 22ra, Ipar Euskal Herriko 25 eskolak eta 2.445 haurrek. “Hasi aitzin, beldurra dute gazteek, ez direlakoan desafioa betetzera helduko. Gero, indar kolektiboak hartzen du gain”.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]