ARGIA.eus

Bultza kazetaritza independentea

Jaurlaritzak inkestak bere interes politikoen arabera darabiltzala salatu du EH Bilduk

  • Iritzi Azterlanen Zentro independentea sortzea proposatu du EH Bilduk eta EAJ eta PSE-k atzera bota dute. Josu Estarrona legebiltzarkideak salatu du bi alderdi horiek organo hori legez arautu beharra onartu zutela 2007an. "Ulergaitza da orain horren kontra agertzea, gaur ere garrantzitsua delako zentro horren independentzia, neutraltasuna eta gardentasuna bermatzea”.

ARGIA
@argia

2023ko urtarrilaren 25a - 11:20
Azken eguneraketa:13:09

Jaurlaritza EH Bilduk proposatutako Iritzi Azterlanen Zentro independentea sortzearen aurka agertu da asteartean. Lehendakaritzari atxikita dagoen Prospekzio Soziologikoen Kabineteak orain arte bezala jarraituko du ondorioz, "lehendakariaren eta gobernuaren irizpide eta interes politikoak lehenetsiz eta horrelako organismoetan funtsezkoak diren printzipioak –independentzia, neutraltasuna, objektibotasuna eta gardentasuna– bermatu gabe", salatu du EH Bilduk.

Josu Estarronak Iritzi Azterlanen Zentroa sortzeko Lege Proposamena aurkeztu zuen duela bi aste, arlo horretan Jaurlaritzak duen eredua “zuzendu beharreko anomalia bat” delako. Izan ere, “inkestek edota ikerketa soziologikoek iritzia sortzeko eta joerak markatzeko balio dezakete eta unean uneko gobernuek inkesta eta azterketa horiek euren interes politikoen arabera erabiltzeko izan dezaketen tentazioa saihestu behar da; horregatik proposatu dugu Iritzi Azterlanen Zentroa sortzea, oso garrantzitsua delako horrelako organismoen autonomia, neutraltasuna, gardentasuna eta objektibotasuna bermatzea, beren lana gidatuko duten irizpideak profesionalak bakarrik izango direla ziurtatzeko, Gobernuaren interes politikoak alde batera utzita”, adierazi du.

EH Bilduko legebiltzarkideak gogora ekarri du bai EAJk, bai PSEk Prospekzio Soziologikoen Kabinetearen jarduera legez arautu beharra onartu zutela 2007an, independentzia, objektibotasuna eta neutraltasuna bermatzeko. Azalpen bakarra aurkitzen diote posizio aldaketa horri: Jaurlaritzak organo hori bere interes politikoen arabera erabiltzen jarraitu nahi du”.

Gainera, EH Bilduren proposamena atzera botatzeko Gobernuak emandako argudioak "oso eskasak" dira alderdi soberanistaren ustez. “Diotenez, Kabineteak urtez urteko planifikazio baten arabera eta gardentasunez lan egiten du, baina inork ez du planifikazio hori ezagutzen, ez eta nola aritzen den ere. Diote, baita ere, azterlanen datu baseak eskuragarri daudela legebiltzarkideentzat eta ikerlarientzat, baina inork ez daki non”.


Politika kanaletik interesatuko zaizu...
Sorzabal torturatua izan zela ukatu eta haren zigorra berretsi du Auzitegi Gorenak

Espainiako Auzitegi Gorenak berretsi egin du Auzitegi Nazionalak 2022ko otsailean jarritako 24 urteko zigorra. Epaiketan erabilitako bere testigantza bost egunetan torturatua izan ondoren egindakoa dela argudiatu zuen Iratxe Sorzabalek, baina Auzitegi Gorenak torturatua izan... [+]


Elkartuk desgaitasuna duten pertsonen lan-eskubideak bermatzeko errekurtsoa aurkeztu du

Gipuzkoako Foru Aldundiak aldi baterako enplegua egonkortzeko enplegu publikoaren eskaintza egin du. Plazak lortzeko hautaketa-prozesuen oinarri orokorren, oinarri espezifikoen eta deialdien aurka errekurtsoa aurkeztu du Elkartu-k.


Okupas Motorizados ekimenaren lana aitortu du Nafarroako Parlamentuak

Azkene lau urteetan, desgaitasuna duten pertsonentzako aparkalekuen erabilera desegokia salatzeko, sare sozialetara argazkiak igotzen zituen Juan Larretaren ekimenak egunero. Orain, amaitutzat eman du ekintza hau herritarrek zuzenean egiten dutelako #OkupasMotorizados traola... [+]


Herrigintzaz gogoetatuko du Sortuk larunbatean Plaza Hutsa egitasmoaren barruan

Ezker Abertzaleko militantzia batzeko asmoa dute, herrigintzaren inguruan gogoeta egin eta aurrez ezarritako sei eremu estrategikoen helburuak finkatzeko.


Eguneraketa berriak daude