Jaurlaritzak aldatu egingo du tabernetan kontzertuak mugatzeko araudia, protesten ondoren
Eusko Jaurlaritzaren Segurtasun sailak aldatu egingo du tabernak urtean 12 kontzertu ematera mugatu nahi zituen araudia. Urgentziazko tramitazioa egingo dute, protestak eragin dituen neurria aldatzeko.
Tabernetan urtean eman zitezkeen kontzertuak 12ra mugatzeko neurria iragarri bezain laster ezinegona eragin zuen musikarien artean eta Arteak Ireki plataforma ere jarri zuten abian, erabakiaren aurka protesta egiteko.
Jaurlaritzak, protesta horiek ikusita eta EUDELekin bildu ostean, 12 kontzertuko muga kentzea erabaki du EITBren arabera.
Araba, Bizkaia eta Gipuzkoako udalerriak biltzen dituen erakunde horretatik etorri zen, berez, tabernei kontzertuak antolatzeko muga jartzeko eskaria Jaurlaritzako iturrien arabera.
Arteak Ireki plataformak albistea ontzat jo du. “Arretaz jarraituko dugu hau guztia egikaritzen den arte. Debekua ezabatzeko bidea hasi duten bezala, amaiera eman diezaiotela guzti honi”, adierazi dute Facebook bidez.
Horrekin batera, larunbat honetan (martxoak 23) egitekoak ziren aldarrikapen egunak bere horretan jarraituko duela iragarri dute.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.
Urdaibaiko Guggenheimen proiektua bi urtez etengo dutela iragarri zuten urtarrilean Lakuak eta Bizkaiko Aldundiak, baina museoa eraiki ez dadin borrokan jarraitzen dute ekintzaileek. Futuro Vegetal aktibista klimatikoen azken ekintza eta Guernica Gernikara taldeak antolatu duen... [+]
Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]
Donostiako Amara auzoan dagoen Kontenedora sorkuntza espazioak ez du estreinako urterik onena izan: bederatzi hilabetez itxita egon da, burokraziaren katramiletan harrapatuta. Udalak ezarritako trabak azaldu dituzte. Abokatu eta arkitekto artean aritu ostean, baina, badirudi... [+]