Itunpeko ikastetxeek jasoko dute pandemiari aurre egiteko diru-laguntzen herena EAEn
Itunpeko ikastetxeentzat 36.689.760 euroko diru-laguntza berezia onartu du Eusko Jaurlaritzako Gobernu Kontseiluak astearte honetako bileran: COVID-19ari aurre egiteko neurrietara bideratuko da eta autonomia erkidegoko 314 itunpeko zentro izan daitezke onuradunak.
Eusko Jaurlaritzak asteartean erabaki du 36,6 milioi euroko diru-laguntzak emango dizkiela itunpeko ikastetxeei COVID-19aren aurkako prebentzio-protokoloek eskatzen dituzten neurriek eragindako gastu gehigarriak ordaintzeko. Langile berriak kontratatzeko edo lehendik daudenei ordu-kopurua gehitzeko baliatu ahalko dituzte itunpeko zentroek diru-laguntzak, baita irakasleen ordezkapenetarako, garbiketa gastuetarako eta material informatikoa erosteko edo alokatzeko ere.
Horrenbestez, pandemia dela-eta hezkuntzara bideratuko den diru gehigarriaren heren bat inguru itunpeko ikastetxeen esku geratuko da. Jaurlaritzak emandako datuen arabera, 314 dira EAEn laguntza hauen onuradun izateko baldintzetan. Sare publikoko ikastetxeek, aldiz, 65,1 milioi gehigarri jasoko dituzte astearte honetan iragarritakoaren arabera.
Jaurlaritzak emandako azalpenen arabera, kontratazioetara bideratutako diru-kopurua kalkulatzeko orduan “kontuan izan dira ikastetxe bakoitzaren gela eta ikasle kopurua, baita ikastetxe bakoitzaren Hezkuntza Konplexutasunaren Indizea ere”. Azkeneko hori osatzeko hainbat adierazle hartu direla kontuan gaineratu du EAEko Gobernuak, besteak beste “ikaskuntzaren emaitzak, hezkuntza-laguntzarako beharrak, egokitasuna, ikasleek ikastetxean duten jarraikortasuna eta maila sozioekonomikoa”.
Beste irizpide batzuk ere aintzat hartu dira, adibidez material informatikoa erosteko zentro bakoitzaren ikasle kopurua erabili da irizpide gisa eta garbiketara edo irakasleen ordezkapenera bideratutako diruen kasuan, hezkuntza-itunean emandako moduluei igoerak ezarri zaizkie. Jokin Bildarratzek zuzentzen duen sailak azaldu duenez, 2020ko irailaren 1etik 2021eko ekainaren 30era bitartean egin beharko dira diru-laguntza hauen helburu diren gastuak.
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]