Umeak kalera irtetea onartu du Italiako Gobernuak

  • Italiako Gobernuak aste honetan egindako zehaztapenen arabera, umeek etxetik gertu eta gurasoetako batek lagunduta kalera irten ahal izango dute, koronabirusak gehien zigortutako Europako estatuan. Hala, Italia batu da umeek kalera ateratzeko beharra aintzat hartzen duten estatuen zerrendara, Alemania, Erresuma Batua, Frantzia, Suitza, Austria edo Suitzarekin batera.


2020ko apirilaren 01an - 13:07
Etxetik gertu eta gurasoetako bakarrak lagunduta, haurrek kalera irten ahal izango dute Italian.

Asteartean Italiako Gobernuak argitaratutako zirkularraren arabera, umeak kalera ateratzea "jarduera fisiko" gisa hartuko da hemendik aurrera eta ez "aire librean egindako kirol" gisa. Desberdintasun horri esker, haurrentzat konfinamenduko baldintzak pixka bat lasaituko dira, nahiz eta oraindik kalera ateratzeko aukera mugatuta edukiko duten.

Aldaketa berriari esker, haurrek gurasoetako batekin kalera ateratzeko baimena izango dute, baina betiere etxetik gertu. Italiako Barne Ministerioak azaldu duenez, ordea, konfinamenduaren baldintzak lehengo berak dira eta haurrek ere errespetatu beharko dituzte kalean.

Halere, erabakia ez da denen gustukoa izan. Lombardiako zinegotzi Giulio Galerak, adibidez, adierazi du hau ez dela "guardia jaisteko" momentua eta Barne Ministerioaren zirkularrak "efektu psikologiko suntsitzailea" izan dezakeela herritarren artean.

Erabaki honekin Italiako Estatua batu da Nazioarteko Osasun Erakundeak umeentzat gomendatzen duenari kasu egiten dion Europako herrialdeen zerrendara. Tartean dira, Alemania, Erresuma Batua, Frantzia, Suitza, Austria edo Belgika. Denetan umeek egunero kalera ateratzeko aukera daukate, konfinamenduko neurri orokorrak errespetatuz.

Espainiako Estatuan gero eta ahots gehiago.

Aste honetan Aragoiko presidenteak eskatu dio Pedro Sanchezi umeek aire librera ateratzeko aukera baimentzea. Eta asteartean, Bartzelonako alkate Ada Colauk zentzu berean egin du eskaera. Heike Freire soziologoak abiatutako sinadura bilketak 36.000 babes bildu ditu. Momentuz, Espainiako Gobernuaren erantzuna ezetza izan da, eta salbuespen bakarrak supermerkatura joateko haurra inorekin uzteko aukera ez duten kasuak eta autismoa eta espektro autista duten haurrak dira.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude