Italian ere Covid ziurtagiria erakutsi beharko da taberna edo zinemara sartzeko

  • Italiako Gobernuak Frantziaren adibidea jarraitu du, eta abuztuaren 5etik aurrera, “ziurtagiri berdea” eskatuko zaie biztanleei hainbat aisialdi gunetara sartzeko. Gobernuak larrialdi egoera bost hilabetez luzatu du, abenduaren 31ra arte.


2021eko uztailaren 23an - 08:15
Azken eguneraketa: 10:17
Mario Draghi Italiako lehen ministroa. Argazkia: World Economic Forum

Abuztuaren 5etik aurrera, Italiako hainbat aisialdi gunetara sartzeko, beharrezkoa izango da osasun ziurtagiria erakustea. Herritarra orok txertatuta, PCR proba negatiboa eginda edo gaixotasuna pasatu duela jakinarazi beharko du taberna eta jatetxeetara sartzeko.

“Ziurtagiri berdea” zinemetan, antzokietan, museoetan, kontzertuetan, joko saletan eta kirolguneetan (gimnasioak, piszinak zein estadioak) ere eskatuko da. Barran eta terrazan kontsumitzeko, ordea, ez da beharrezkoa izango.

Uztailaren 22an 5.057 kasu positibo atzeman zituzten herrialdean, eta 15 hildako izan ziren. Zifrak gorantz doaz, eta Italiako Ministro Kontseiluak erabaki du beste bost hilabetez luzatuko duela larrialdi egoera, abenduaren 31ra arte. Gainera, neurri gogorragoak ezarri daitezkeela ere aurreikusi dute, kalean maskararen erabilera derrigortzea kasu.

Mario Draghi lehen ministroak adierazi du dekretu bidez hartutako azken erabaki hau "lasaitasuna ematen duen neurria" dela, herritarrek "dibertitzen" jarraitu dezaketelako, "kutsakorrak ez diren pertsonen artean dauden bermearekin". Halere, txertaketari garrantzia eman nahi izan dio Draghik: 12 urtetik gorako italiarren erdia baino gehiago dago txertatuta, eta falta direnei  "berehala" egiteko deia zabaldu die, "haien burua eta familia babesteko" derrigorrezko neurria baita.

Birusaren Delta aldaerak dakarren "mehatxuaren" aurrean, erabakiak azkar hartu nahi izan ditu lehen ministroak: "Europako beste herrialde batzuk gure aurretik doaz, kutsatzeei dagokionez, baina ikasi dugu, berehala erreakzionatu gabe, Frantzian edo Espainian gertatzen ari dena Italian ere gerta daitekeela pentsatu behar dugula". Are gehiago, Frantziak duela astebete hartu zituen neurrien antzerakoak aplikatu nahi ditu Draghik kutsatzeen igoera saihesteko.  

Macronen pass sanitaire

Uztailaren 12an, Emmanuel Macron Frantziako lehen ministroak erabaki zuen osasun ziurtagiria —pass sanitaire— elkarretaratze handietan eskatzeaz gain, taberna, jatetxe zein garraio publikoan ere derrigorrezkoa izango dela. Gaitza pasatu izana, txertoa hartu izana edo aurreko egunetan egindako testean negatibo eman izana zehaztu behar du dokumentuak.

Italian ziurtagiri bera erabiliko dute, aldaketa bakarrarekin: txertatuta daudela erakusteko, biztanleek nahikoa izango dute dosi bakarra jaso izana. Era berean, garraio publikoan ez da derrigorrezkoa izango "ziurtagiri berdea" erabiltzea. Liga alderdi ultraeskuindarrak egin du eskaera hori.

Dekretuaren onarpena 

Osasun ziurtagiriaren erabilera indarrean sartu dadin, parlamentuan onartu beharko da lehenengo. Ezkerreko alderdiek, begi onez ikusi dute neurria, baina Liga alderdi ultraeskuindarrak kontrako jarrera agertu du.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude