Israelek eginiko beste sarraski bat atera da argitara: Rafahn hamabost osasun langile hil eta ondoren hobi komun batera bota zituen
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke anbulantziek larrialdietako argiak piztuta zituztela eraso zietela.
2023ko urrian Gazaren aurkako oldarraldia areagotu zuenetik Israelek egin duen enegarren sarraskia atera da argitara azken egunetan: martxoaren amaieran hamabost langile humanitarioren gorpuak aurkitu zituzten Rafah hiriko hobi komun batean, eta astelehenean gorpuei eginiko autopsiak baieztatu du tiroz hil zituztela soldadu israeldarrek. Hildakoen artean daude, besteak beste, UNRWA Nazio Batuen Palestinar Iheslarientzako Laguntza eta Lan Bulegoko kide bat eta Palestinako Ilargi Gorria larrialdi zerbitzuetako zortzi langile.
Hain zuzen, Gazan larrialdi zerbitzuak eskaintzen dituen erakunde horrek salatu du Israelek Nazioarteko Zuzenbide Humanitarioa eta Giza Eskubideak "behin eta berriz urratzen" dituela, eta horrek "aurrekari arriskutsu" bat jar dezakeela: "Sarraski hau tragedia bat da guretzat, baina baita lan humanitarioarentzat eta gizakiarentzat ere". 2023ko urrian Gazaren aurkako erasoaldia gogortu zuenetik, Ilargi Gorriko 27 langile hil ditu Israelek, erakundearen arabera.
UNRWAko buru Philippe Lazzarinik, berriz, "erantzukizunak" eskatu ditu Nazio Batuen Erakundeko agentzia horretako langile baten hilketarengatik: "Gisa horretako hilketak errutina bihurtu dira Gazan". Zerrendako Osasun Ministerioaren arabera, 2023ko urritik UNRWAko 280 langile hil ditu Israelek, eta, gainera, zazpi herrialdek Nazio Batuen Erakundearen agentzia hori finantzatzeari uztea erabaki zuten iazko urtarrilean: tartean, AEBek, Erresuma Batuak eta Kanadak.
Israelen bertsioa gezurtatzen duen bideoa
Gertakaria argitara atera zenean, Israelgo armadak adierazi zuen ibilgailuak ez zeudela identifikatuta, eta, beraz, eurengana "modu ezohiko" batean gerturatzen ari ziren "terroristen" aurka egin zutela tiro. Haatik, hil ziren hamabost osasun langileetako batek, Rifaat Raduan medikuak, soldadu israeldarrak eurei tiro egiten hasi ziren unea grabatu zuen mugikorrarekin, eta bideo hori azkar zabaldu da sare sozialetan.
Besteak beste, Israelgo armadak emandako bertsioa gezurtatzen du Raduanen mugikorrean aurkitutako bideoak: bertan ikus daiteke anbulantziek larrialdietako argiak piztuta zituztela soldaduak oldartu ziren unean, eta, beraz, bazeudela identifikatuta. Horrez gain, bideoan agertzen denez, israeldarrek ibilgailuen aurka bost minutuz tiro egin zuten, etenik gabe.
"Izugarria" hilketen lekuan bilatu zuena
Jonathan Whittall Palestinako OCHA Gai Humanitarioak Koordinatzeko Nazio Batuen Bulegoko burua da, eta hamabost langile humanitarioen hilketa gertatu zen lekura iritsi zen lehenengoetariko bat izan zen. Bertan aurkitu zuena "izugarria" zela azaldu du, eta salatu du "osasun langileak" ez direla inoiz soldaduen jopuntuan egon: "Langile humanitario horiek guztiak uniformea jantzita zutela hil zituzten, argi eta garbi identifikatutako ibilgailuak gidatzen ari zirela eta biziak salbatzera zihoazela". Izan ere, Ilargi Gorriak jakinarazi du anbulantziak soldadu israeldarrak zeuden lekura gerturatu zirela bertan zeuden zauritu palestinar batzuk artatzera.
Maiatzaren hasieran iragarri ostean, Gaza erabat okupatzeko eta hango palestinarrak kanporatzeko plana martxan jarri du Israelgo armadak. Zerrendan jada hasiak dira ofentsibaren ondorioak pairatzen: azken 24 orduetan eginiko erasoetan, Israelek gutxienez 150 palestinar hil ditu... [+]
Lehiaketan parte hartu izan duten 72 artistak iazko edizioa "historiko politizatuena eta desatseginena" izan zela salatu dute, eta aurtengoa ere ez da salbuespena izan. Online botoari esker gertu izan du garaipena Yuval Raphael Israelgo ordezkariak. Polemikaz beteriko... [+]
Israelgo Estatu sortu berriak Palestinaren %80 inguru indarrez okupatu zuenetik 77 urte igaro direla, Gazaren aurkako erasoetan 74 lagun hil ditu Tel Avivek asteazkenetik ostegunera bitartean. Hildakoen artean Hassan Samour kazetaria dago, 2023ko urriaz geroztik Israelek hil... [+]
Prou Complicitat giza eskubideen aldeko taldeak Danimarkako Maersk enpresako bi merkataritza ontziren aurkako salaketa jarri du, Bartzelonako portutik Israelera F-35 ehiza hegazkinen atalak garraiatzea egotzita. Inputatuek astelehenean deklaratu behar... [+]
“Gazako sarraskiak gerra gertaerak dira, eta erruduna Hamas da. (...) Ez dut inondik inora lotsagorritu beharrik borrokak eramateko Israelen moldeaz. (...) Denak poztuko lirateke Israelek lana bukatuko balu”. Haïm Korsiaren hitzak dira, Frantziako Rabbi... [+]
Centre Delas erakundearen txosten batek 2023ko urriaz geroztik Tel Avivek eta Madrilek adostu dituzten armamentu salerosketak atera ditu argitara. Ikerketaren arabera, Espainiako Estatuko eta Israelgo enpresek ez dituzte inoiz hainbeste proiektu garatu elkarrekin, eta Israelgo... [+]
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Trumpek Gazarako behin baino gehiagotan proposatutako garbiketa etnikoarekin jarraituko du Tel Avivek. Netanyahuk sare sozialetan jakinarazi duenez, Israelek milaka erreserbista deitu ditu Gazaren aurkako setioa gogortzeko eta "erabateko garaipena" lortzeko.
Nazioarteko ekimenak igandean argitaratutako prentsa ohar batean jakitera eman duenez, Maltako Gobernuak bonbardatutako itsasontzia konpontzeko asmoa erakutsi du. Askatasunaren Ontzidiak eskatu die Maltako agintariei itsasontzia herrialdeko uretan sar dadila. Israelen erasoak... [+]
Deshumanizazioa barru-barruraino sartu da Mendebaldeko botereetan, eta axolagabekeriaz begiratzen diote Gaza pairatzen ari den holokaustoari; Gazan, bonbek hiltzen ez bazaituzte, goseak hilko zaitu.
Gure itsasontzia bonbardatu duten honetan inpotentzia erabatekoa da, gu ondo... [+]
Ostegunetik ostiralerako gauean dronekin egin diote eraso Gazako blokeoa apurtu eta genozidioa salatu nahi duen nazioarteko ekimenaren itsasontziari, Maltatik hamahiru miliara, nazioarteko uretan. Aktibisten artean Mikel Zuluaga Mikelon euskal herritarra dago. “Hemen hau... [+]
