Israelek hamar palestinar hil ditu aire-eraso bidez Gazako zerrendan
Igande gaueko bonbardaketan gutxienez hamar palestinar hil dituzte, horien artean Hamaseko adar armatu Ezzedin al-Qassam Brigadetako sei kide. Israelgo armadaren esanetan erasoa “Israelgo hegoaldearen kontra izandako kohete-erasoei” erantzuna izan da.
Israelgo armadak esan duenez, igandean 25 kohete jaurti dira Gazako zerrendatik Israelgo hegoaldearen kontra. Benjamin Netanyahu Israelgo lehen ministroak adierazi du Gobernuaren lehentasuna bertan “lasaitasuna berrezartzea” dela momentu honetan.
Netanyahuren esanetan, ekintza eta eraso guztien helburua “bakea eta israeldar guztien segurtasuna berrezartzea” da, batez ere hegoaldean. Gazaren kontrako eraso handiagoak egitea baztertu du; momentu honetan “arduraz” jokatu behar dutela adieraziz.
Tentsioa Jerusalemen
Azken egunetan istiluak izan dira Jerusalemen palestinarrekin eta arabiar-israeldarrekin Mohamed Abu Jedeir gazte palestinarraren hilketaren ondorioz. Igandean Israelgo segurtasun-indarrek sei pertsona atxilotu dituzte gaztea bahitzea eta hiltzea leporatuta.
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Nazioarteko eta Israelgo hedabideek zabaldu dute Nazioarteko Zigor Auzitegiak (NZA) asmoa duela Israelgo zenbait agintari atxilotzeko, gerra krimenak eta gizateriaren aurkako krimenak egotzita.
Turkiak jakinarazi du Israelekin zituen merkataritza harreman guztiak eten dituela eta Nazioarteko Justizia Auzitegian Israelen aurkako genozidio salaketarekin bat egitea eskatuko duela.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
34.500 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.