Iruzur gehiagorik ez!

  • Estatus berriaren hitzaurrearekin edo Araba, Bizkaia eta Gipuzkoarako estatutu politikoaren sinadurarekin batera (Euskal Herriaren zatiketatik sortua eta horretan oinarritua), beste deriba-mugimendu bat gertatu da halabeharrez. Ez ahaztu Euskal Herriak uko egin ziola estatutuari eta haren bitartez Espainiako diktadura burges  diktadura bihurtu zela (monarkikoa eta parlamentarioa), penintsulako, kontinenteko eta nazioarteko kapitalaren aginduetara.

Jon Iurrebaso Atutxa
2019ko urtarrilaren 09a

Atzera begiratuz gero, eta nahiz eta gatazka oraindik konpondu gabe egon, baten batzuek gure etsai espainiarraren alderdien legea onartu eta gatazka ondoko jokoan segitzeko hautua egin zuten, horrenbestez, gure etsaien ideia nagusiak oinarritzat hartu zituzten, alegia, “gatazkaren ondorioak” (konpondu gabeko gatazka izanik, diogu berriro ere), “biktimak” (lehenengo biktima Euskal Herria dela ahazturik, eta euskal herri langilearen etorkizuna eta biziraupena konpondu gabe egonik), “ez zen inoiz gertatu behar…” (gure herri langilearen eta gure hurkoen defentsan jardun besterik ez dugu egin, egiten eta egingo) eta abar. Izugarria da … lortu nahi omen dutela entzutea, egia esan, ez dakigu zer den, baina, ustez, Euskal Herriaren “askapenaz” ari dira.     

Oraingo Ezker Abertzale Ofizialari dagokionez, espainiar eta frantses sistemetan txertatzeko hari horrek EH Bilduko bozeramaileak adierazitako azken ideia, proposamena, ekimena eta postureoa ekarri dizkigu. Diogu, lehenik eta behin, zorigaiztoko adierazpena izan dela Euskal Herriarentzat, eta, bereziki, Euskal Herri Langilearentzat.

"Oraingo Ezker Abertzale Ofizialari dagokionez, espainiar eta frantses sistemetan txertatzeko hari horrek EH Bilduko bozeramaileak adierazitako azken ideia, proposamena, ekimena eta postureoa ekarri dizkigu. Diogu, lehenik eta behin, zorigaiztoko adierazpena izan dela Euskal Herriarentzat, eta, bereziki, Euskal Herri Langilearentzat"

Laburbilduz, EH Bilduk, hurrengo hauteskunde orokorrei begira eta PP, Cs eta Vox-i aurre egite aldera, EAJtik CUPerako aliantza handia osatzeko proposamena egin du, bai eta, ondo jakin arren, Espainiak eta Frantziak Euskal Herriari uko egingo dioten aldarrikapena eta haiekin aliaturik dauden bazkideek borrokatuko ez dutena ere. Horretarako, nahaste-borraste erreformistaz baliatu izan da eta espainiar eta frantses estatuekiko menpetasuna erakusten du Euskal Herriaren etorkizunari dagokionez, gure okupatzaile eta esplotatzailearen legerian oinarriturik baitago. Horrez gain, nazio eta subjektu berezitu gisa ukatzen gaitu eta --per secula seculorum baino gehiagotan errepresioa jasateko promesa egiten digu.

Hots, bizitzako une hauetan, Euskal Herriarentzat urrats kualitatibo eta estrategikotzat jotzen dugu sozialdemokrazia eusko-espainiarrarekin, katalanarekin eta galegoarekin elkartzea, era berean, euskal burgesiarekin, progresismo espainolistarekin, independentistak eta ezkerrekoak diren (?) sentsibilitateekin ere funtsezko lema bai “demokraziari” edo ez espainiar eskuinari edo halako zerbait delarik. Hau da, PSOE, adibidez, eta labur izatearren, bidelagun egokia izango da…

Agerikoa da klasearteko mugimendu horrek, burgesia eta sozialdemokrazia buru direla, ezin duela ezta urradurarik txikiena ere sortu etsaiaren horman, akats eta gorabehera ugariz osaturik badago ere. Bada, kapital handiak eta espainiar, frantses eta eusko-espainiar burgesiak onartzeko moduko beste mugimendu bat dugu hori, azken finean, praktikan ez baitute inongo arriskurik sortzen euren sisteman edo estatus quo-an.

Ez dago nazio eta gizarte askapenik Euskal Herri Langilearen oraingo eta etorkizuneko interesen aldeko bidetik kanpo. Bestalde, euskal sozialdemokraziak eta burgesiak (are gutxiago beste batzuek) ez dute inoiz haien interesen aurkako ezer egingo.

Ados gaude gauza batean, eta hor dago gakoa, bada, zer egin daiteke? Nola jokatu dezakegu? Norekin? Noiz? Ekiogun lanari! Modu apalean eta iradokizun gisa, ez dezagun loterian jokatu, lauri solik egokitu ohi baitzaie, eta oinak lurrean edukirik, pentsa dezagun elkarlanean jardungo dugula. Bihar ez baina lortu egingo dugu. Eraiki dezagun nazio eta gizarte askapenerako Euskal Mugimendu Sozialista eta Iraultzailea! Aurrera!

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  EH Bildu

Iritzia kanaletik interesatuko zaizu...
2019-01-22 | Ane Zabala
San Frantziskon bueltaka, Bilbon edo Kalifornian

Segurtasunak ez du zerikusirik ez sarekada arrazistekin, ezta miaketa masiboekin ere. Halako jarrerekin pertsona batzuk kriminalizatu eta ingurua are gehiago degradatzen ari dira, komunitate jakin batzuk seinalatuz eta komunikabide konkretu batzuen laguntzaz beti.


2019-01-21 | Joseba Alvarez
Argala, Cereceda, Sarrionaindia, Txillardegi

Ezker independentistarentzat estrategikoak izango diren zenbait gai lantzeko bildu ginen duela hamar bat egun 250 kide Plaza Hutsa ekimenean. Hainbat gai jorratu ziren talde txikietan, eta gure taldearen lana, euskarak prozesu independentistari egiten dion ekarpena aztertzea izan zen.


2019-01-21 | Nicole Lougarot
Zuberoako maskarada eta buhameak: zati hori salatzen dut

Eta bai, aurten ere Xiberoan maskaraden itzulia abiatu da berriz, eta igandero Urdiñarbeko Xorrotxek Buhame taldea hola aurkeztuko dute kantuz: "Buhame debrü horik lanik egin gabe, arraza debrü hori bizi dirade. Aberatsik horregatik ez da nihur ere, aldiz sortüak oro ohoinak dirade".


Hiru desafio kooperatibo

Datozen urteetara begira, enpresen (kooperatibak batez ere) erronka nagusiak identifikatzerako orduan, adostasun maila zabala sumatzen dut. Esaterako ingurumenean, parte-hartzean, finantzazioan, berrikuntzan, lehiakortasunean edota gobernantzan. Hala ere, hauen artean, gutxi nabarmentzen diren hiruri eman nahi diet protagonismoa: kooperazioa, organizazioen humanizazioa eta enpresen rol berria gizartean. Aletu ditzagun.

Lehena da kooperazioa praktikatzeko beharra eta zailtasuna. Lankidetza... [+]


2019-01-20 | Castillo Suarez
Lehendabiziko aldiez

Lehendabiziko aldiz Berri Txarrak taldearen berri izan nuenean telebistan izan zen. Irakurtzen zituzten gauzei buruz galdetu eta nire lehendabiziko poema liburua aipatu zuten. Harrotasuna eta harridura sentitu nituen, biak batera. Lehendabiziko aldiz Gorka Urbizurekin hitz egin nuenean Onki Xinen geunden, eta nola ez, poesiaz hitz egin genuen. Lehendabiziko aldiz Berri Txarraken kontzertu bat backstagetik ikusi nuenean Zegaman izan zen, ez nuen ezer taxuz entzun, baina akordatzen naiz Etxarri... [+]


Norantz goaz?

2018. urtean Ipar poloan ez da errekorrik izan izotzen urketa mailan eta Trumpek aitzakia izango du ikatza erretzen duten zentralekin edo erregai fosilei esker aritzen diren ibilgailuekin aurrera segitzeko; edo Bolsonarok Amazonian nekazaritza intentsiborako lurrak eskuratzeko; edo Macronek zentral nuklearren itxiera ahalik eta gehien atzeratzeko eta gainerakook ahalik eta gehien produzitzeko eta kontsumitzeko.

Ozono geruzaren arazoa konponduta zegoela iragarri ziguten 2017an, baina iazkoa... [+]


Urte berrirako asmo onak

Desio onez hasi ohi dugu urte berria. Hiru urte pasa dira Nazio Batuen Erakundeak (NBE) sustatutako Garapen Iraunkorrerako Helburuak (GIH) martxan jarri zirenetik, eta ingurumenarekiko enpatiazko begiradaz has gintezke. 2015eko irailean, ia 200 herrialdek hainbat jendarteren garapena bultzatzeko akordioa onetsi zuten. GIH horiek 2000-2015 urte bitartean lortu nahi izan ziren eta zalantzazko emaitza izan zuten Milurteko Garapen Helburu-en ikusmira zabaldu nahi izan zuten. Orotara, 2015ean,... [+]


Txillardegi, euskara batuaren aita

Txillardegiri etiketa bat jartzekotan, poliaintzindaria zela erran nezake, zeren aitzindaria izan zen lauzpabost alorretan: frankismo denborako abertzale berria, sozialista librea, Iparraldekoen lagun goiztiarra, idazle polifazetikoa, bide berrien urratzailea.


2019-01-16 | Txerra Rodriguez
Emagin bat euskalgintzarako?

Ezagutzaren matazak liburua irakurri berri dut eta zeharo interesgarria egin zait. Baina beste gauza batek egin du bide neure burura: Emagin bat beharko genuke euskalgintzetan?


2019-01-15 | ELB Gazte Taldea
Ilusioak

Laborantxa munduan sobera entzuten dutanak okaztatzen nau. Langileak alfer batzu baizik ez direla, langabezian edo rmi/rsa [gutxieneko errenta] dunak, parasita batzu gure bizkar bizi... Gu laborariak, urguluz beteak, jabeak, lurdunak, dutenen aldekoak, nolazpait horiek baino hobeak. Lehenik, langileek eskubide batzu dituzte, gehienek kotisatu dute horien ukaiteko. Elkartasuna deitzen da.


Azkenak
EGILEA
Eguneraketa berriak daude