Iruñeko Udalak sei gazte salatu ditu Txupinazoan ikurrina erakusteagatik

  • Bandera handiekin sartzea debekatzen zuen agindua ez betetzea egozten diete sei gazteei.

Artxiboko irudia.

Sei gaztek 601 euroko isuna jaso dute aurtengo Txupinazoan Udaletxeko Plazan ikurrina erakusteagatik. Sanferminen aurretik Enrique Maya alkateak adierazi zuen ikurrinen aurkako jazarpenik ez zela egongo. Beste urte batzuetan bezala, Iruñeko Udaltzaingoak Txupinazorako protokolo berezia ezarri zuen, eta aurten Sanferminak hasi baino egun batzuk lehenago plazara bandera handiak sartzea debekatu zuten.

Salaketak abuztuaren amaieran hasi zen tramitatzen Iruñeko Udalaren Segurtasun saila, eta aste honetan iritsi zaie gazteei salaketa eta isuna. Salatutako sei gazteek ostiral arratsaldean agerraldi publikoa egingo dutela adierazi dute, salaketari nola aurre egingo dioten azaltzeko.

Ez da aurtengo Txupinazoan ikurrinarekin gertatu den gatazka bakarra. Izan ere, EH Bilduk eta Geroa Baik zuten balkoira ateratzea ukatu zieten zinegotziei, ikurrina txiki bat ateratzen saiatu zirelako. Maider Beloki zinegotzia ospitalean artatu behar izan zuten, udaltzainekin izandako liskarretan minduta amaitu eta gero.


Kanal honetatik interesatuko zaizu: Ikurrina
Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


Kargutik kendu dute Osasunako Segurtasun Zuzendaria, ikurrina eta Nafarroako bandera kentzeagatik

Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.


Eneko Compains
"Inolako lege oinarririk gabe eta erabateko arbitrariotasunpean kendu zidaten bandera"

Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.


Buruntzako tontorrean ikurrina jarri dute, gurutze frankista zegoen tokian

Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]


Eguneraketa berriak daude