Gasteizko Udalak Mozal Legea aplikatu die hiru herritarri, farol batetik ikurrina zintzilikatzeagatik

  • Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.


2021eko maiatzaren 19an - 11:12

Aleak eman du gertatutakoaren berri: Gasteizko Udalak hiru pertsonari 100na euroko isuna jarri die hiru pertsonari, "erabilera edo zerbitzu publikoko ondasun higigarriak edo higiezinak kaltetzea edo hondatzea" leporatuta Herritarren Segurtasunerako Sailak Mozal Legearen 31.13 artikuluaren arau-hauste arina egotzi ondotik. Arrazoia: hiriko farol batetik ikurrina eskegi izana.

Zigortutako hiruetako batek hitz egin du Alearekin, eta hark azaldutakoaren arabera, gertakizunak apirilaren 1ekoak dira. Aberri Egunaren bezperak izanik, Gasteizko Zabalgana auzoko Buradon Gatzaga Parkeko farola batean ikurrina zintzilikatzen ari ziren hiru lagunak, goizeko 09:30etan, egun argiz eta lasaitasunez, Udaltzaingoaren bi patruila beraiek identifikatu asmoz hurbildu zitzaizkienean. Antza, ikurrina zintzilikatzen ari zirela-eta, bizilagun batek dei anonimoa egin zuen Poliziari abisu emateko.

Jazoerez harriturik, identifikatuek Udaltzaingoari jakinarazi zioten ez zekitela ikurrina jartzeak inolako arau-haustea zekarrenik. "Horrelako intsignia bat ofentsiboa eta oinezkoentzat arriskutsua izan zitekeela esan zigun. Erabat harritu gintuen poliziaren ahotik hori entzuteak, agerikoa denean Udaltzaingoak berak ikurrin pare bat daramatzala uniformean", adierazi dio Aleari kaltetuak.

Ikurrina zintzilikatzeaz gain, Udaltzaingoak parkean dagoen eta Euskal Herria Batera dioen pintaketa bat egin izana ere leporatu nahi izan diela jakinarazi dio hedabideari. Alabaina, hiruek ukatu dute akusazio hori, argudiatuz pintaketa aurretik zegoela.


Kanal honetatik interesatuko zaizu: Mozal legearen mehatxua
Ia 300.000 euro eskatu dizkio Ernairi isunetan Jaurlaritzak: "Orain arte jasandako erasorik larriena da"

"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]


Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan 'Mozal Lege' berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


Eguneraketa berriak daude