“Ez dut ikurrinaren aurkako jazarpenik egingo Txupinazoan, segurtasun kontuak dira”
Enrique Maya Iruñeko alkateak Txupinazoan bandera handiak ezingo direla Udaletxeko Plazara sartu adierazi du Diario de Noticias de Navarrari eskainitako elkarrizketan. Jende aglomerazio handiko ekitaldietan bandera handiak arriskutsuak direla esan du, eta tamaina normaleko ikurrinak sartu ahalko direla baieztatu du.
aurre egingo dieten hedabide independenteak
Azken astean Euskal Herriko hiriburuan pil-pilean zegoen gaia ebatzi nahi izan du Iruñeko alkate berriak, Txupinazoan banderak sartzearena. Udal gobernu berriak harturiko neurria desitxuratu egin dutela esan du Mayak: “Mayak adierazpen askatasuna zentsuratzen duela esaten hasi da jendea, ikurrinarekin lotuz. Ikurrina jazartzeko nahirik ez dugula ulertzea nahi dut, segurtasun kontuengatik dela baizik”. Hala amaitu nahi izan du Mayak polemikarekin, ikurrinarekin arazorik ez duela azpimarratuz, defenditzen ez dugun instituzio- eta lurralde-eredu bat inposatzeko ikurrina erabiltzen dutenekin baizik.
"Aurreko udal gobernuak egindako gauza mordoa ondo iruditzen zaigu, Txantreako parkea adibidez"
UPN Iruñeko alkatetzara itzuli da Navarra Suma espainiar koalizio eskuindarraren eskutik; itzulera zaila izan dela adierazi du: “2015an alkatetza galdu nuenean, maila guztietan funtzionarioek lanean jarrai zezatela agindu nuen. Aurten itzuli naizenean, aldiz, Alkatetzan ez zegoen inor lanean”. Segurtasuna bezalako alor estrategikoan alkatetzara iritsi eta berehala egin ditu aldaketak, eta aldaketa hauek egingo zituela “oso argi” zuen hasieratik: “Sanferminetarako segurtasun-talde berri bat egongo zela argi nuen, esperientziadun buruzagi eta zuzendariekin: Javier Goya Udaltzaingoaren buruzagi berria eta Patxi Fernandez esparruaren zuzendaria”, segurtasun alorra eta Iruñea aski ezagutzen dituela argudiatuz.
Euskara erdigunean
Aurreko udal gobernuak egindako gauza batzuk ondo daudela iruditzen zaiola esan du Mayak, eta ukituko ez dituela bermatu du: “Ondo iruditzen zaizkigun gauza mordoa dago. Txantreako parkea, adibidez. Motel doala kritikatu dugu, hori bai, ez baitugu zulatzailerik ikusi oraindik, baina aurreko gobernuak esan bezala egingo dugu”. Beste esparru askotan, aldiz, goitik beherako aldaketak aurreikusi ditu alkateak. Hauteskunde kanpainan euskara etengabe jarri zuen eztabaidaren erdigunean, baina larritzekorik ez dagoela esan du: “Euskaraz hitz egin nahi duenak orain arte egin den bezala egin ahal izango du. Hemen euskaraz dakitenak ez dakitenak baino askoz gutxiago dira, eta euskarak ezin du administrazioko plaza bat lortzeko aldeko gaitasuna izan”.
"Euskararen alorrean guk normaltasuna nahi dugu: nahi duenak egin dezala eta egin nahi duenak ez dezala egin"
Arazoa baina, horretan dago, “orain arte egin duen bezala”, agian, ez baita normaltasunezko egoera izan eta. Nafarroako administrazioan beti egon dira arazo handiak euskaraz jarduteko, eta euskaraz ez dakien funtzionarioen kopurua handitzeak egoera okertu dezake: “Guk normaltasuna nahi dugu, nahi duenak egin dezala eta egin nahi ez duenak, ez dezala egin. Beste hizkuntzak sustatu nahi ditugu”.
Alderdiekiko jarreren eboluzioa
Azken urteetan PSNrekin duen erlazioa asko aldatu dela esan du Mayak, 2011tik hona gauzak asko aldatu direla azpimarratuz: “Alkatea izan nintzen aurreko aldian PSNrekin bestelako erlazioa genuen, jariakortasun handiagokoa; orain, bada, egoera ezberdina da eta ez da itun bat eskatzeko ordua. Pertsona batek (Maite Esporrin) EH Bilduren laguntzaz alkatea izan nahi duela adierazten duenean, argi uzten du ez duela Enrique Maya alkate izaterik nahi”.
EH Bildurekin, berriz, gauzak aldatu direla onartu du, baina lerro gorriak oraindik hor daudela esan du: “Pausoak eman dira, onartzen dut, baina ETA gaitzestea eta biktimen aitortza egitea falta da. EH Bilduk eman behar dituen aldaketak ematen baditu, haiekiko dugun betoa kenduko dugu; hala ere, uste dut ditudan 60 urterekin nik ez dudala hori ikusiko”.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.