Iruñeko Udala krisian dagoela diote Podemosek, Aranzadik eta Ezkerrak
Mugikortasun planak sortu ditu desadostasunak. Ostegun goizean Podemosek, Aranzadik eta Izquierda-Ezkerrak agerraldia eginen dute. Joseba Asiron alkateak desadostasunak onartu ditu baina harrituta azaldu da udal gobernuaren krisia dagoela entzutean.
aurre egingo dieten hedabide independenteak
Mugikortasunak eta batez ere Pio XII. etorbidearen planteamenduan ikusi dute krisia, baina "agian sustrai sakonagoak ditu", esan dute komunikabideetara igorritako oharrean Podemosek, Aranzadik eta Izquierda-Ezkerrak.
10:30ean azalpenak emanen dituzte alderdi horietako ordezkariek agerraldia iragarri baitute.
Joseba Asiron alkateak esan du badirela ikuspuntu desberdinak mugikortasun arloarekin zerikusia dutenak, baina akordioa erdiesteko borondatea badagoela ere uste du. Dena dela, harrituta azaldu da horrek "udal gobernuaren krisia" eragitea diotenarekin bat ez datorrelako.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
_8.jpg)
