Iruñeko Dana Models agentziako nagusiaren biktimek epaia kritikatu dute
Agentziako nagusiak biluzik grabatu zituen emakumeetariko batzuek elkarretaratzea egin zuten larunbatean Iruñean eta epaia arbuiatzen dutela adierazi zuten. Nafarroako erakunde publikoei bilera eskatu diete, sei urtez ahaztuta izan eta gero entzun diezaieten.
Nafarroako Justizia Auzitegiaren aurrean bildu ziren Daniel Lucía Iruñeko Dana Models agentziako nagusiaren biktimak. 129 emakume biluzik grabatu dituelako 115 urteko kartzela zigorra jaso du agentziako nagusiak. Horietatik bost urte egin beharko ditu espetxean. Biktimak ez daude ados epaiarekin, ezta prozesu judizialarekin ere.
Epaia aldeen adostasunez eman zen eta ezin da errekurtsorik jarri. Emakumeek idatzia helarazi diete Nafarroako Parlamentuari, Berdintasunaren Nafarroako Institutuari eta Gobernuko Justizia kontseilariari, “entzun gaitzaten, prozesu judizialean ezikusiak, ezkutatuak eta babesgabe utziak izan baikara sei urtez”.
Biktimek adierazi dutenez, aldeen arteko adostasunaren ondorioz epaiketa bertan behera geratu zela otsailaren 1ean jakin zuten, posta elektroniko baten bidez. Emakumeek salatu dute beraiek ez dutela parte hartzerik izan prozesuan.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.