Biktimen sufrimendua "bere" egiten duela esan du Francisco Perez artzapezpikuak, eta Nafarroako Elizaren izenean barkamena eskatu die. Artzapezpikutzak ikerketa egin du, baina El Puy ikastetxera mugatu da, argudiatuta ordena erlijiosoen menpeko eskolak ikertzea ez dela bere eskuduntza.
Francisco Perez artzapezpikuak barkamena eskatu du Nafarroako Elizaren izenean: biktimen sufrimendua bere egiten duela adierazi du, eta barkamena eskatu die Lizarrako El Puy eskolan jasandako abusuak salatu zituztenei, horiek bere garaian ikertu beharra zegoelako.
Berandu doazela badaki, beraz; izan ere, duela bi urte aurkeztu zituzten salaketak. Baina bere asmoa "lehen baino hobe" jardutea dela esan du Perezek, eta barkamena eskatu nahi duela, horrek eragin duen sufrimenduagatik.
Bilera pribatua ere eskaini die artzapezpikuak biktimei, ostegunerako. Aurrez aurre helaraziko die barkamen eskea, eta adieraziko die elizaren "konpromisoa" jartzeko "behar diren baliabide guztiak" gertatutakoa ez dadin errepikatu.
Hala ere, barkamena nahiz ikerketa mugatuak dira. El Puy ikastetxeko kasuez gain izandako abusuez galdetuta, Maite Quintana ikerketa batzordeko buruak erantzun du gotzain batek ezin duela ikerketarik abiarazi Artzapezpikuntzaren menpe beharrean, eskola ordena erlijioso baten menpe dagoenean.
Quintanak zehaztu duenaren arabera, zortzi biktimak salatu dute elizgizon batek eginiko abusuak. Horrez gain, beste bi pertsona helduren salaketa dago, senide baten abusuengatik aholkularitza eskatu zuen beste bat, eta adingabe baten jazarpena salatu duten guraso batzuk.
Alfredo Irujo ikerketa taldeko kidearen hitzetan, ezin da frogatu gertatutakoa "ezkutatzeko asmoa" izan denik, baina biktimek bakamen eskea merezi dute.
Artzapezpikuak, azkenik, barkamena "umiltasun osoz" eskatu duela esan du, eta espero duela biktimek onar dezatela.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.