CAN

Iruñeko alkatearen dimisioa eskatuko du oposizioak, CAN auzia dela eta

  • Enrique Maya Iruñeko alkatearen aurkako mozioa aurkeztuko dute gaurko osoko bilkuran NaBai, Bildu, PSN, Aralar eta Izquierda-Ezkerra alderdiek, Nafarroako Kutxako (CAN) dieten auziagatik,


2013ko martxoaren 22an - 00:00
Azken eguneraketa: 2015-02-26 13:37:33
Enrique Maya Iruñeko alkatea (Argazkia: Que.es)

"CANen kudeaketaren inguruko gertakariek bultzatuta, Udalbatzak akordio hau onartu du: Iruñeko Udalak gaitzetsi egiten du CANen kudeaketan Enrique Maya alkate jaunak izandako jokabidea. Hala, bidezkotzat jo du bere dimisioa eskatzea", dio mozioak.

Ekimenak aurrera egingo du ziurrenik, oposizioko kideak direlako 27 zinegotzietatik 14. UPNk eta mozioaren aurka agertu den PPk, hortaz, 13 bozka lortuko dituzte.

Enrique Mayak bigarrenez egin beharko dio aurre bere aurkako zentsura mozioari. 2011ko martxoan, Iruñeko alkate izendatu baino lehenago, artean Hirigintza zuzendaria zenean, Kondestable Jauregiko obrengatik gaitzetsi zuen Mayaren jokabidea.

Maya: "Zinegotziek dietak jasotzea legezkoa da"

Iruñeko alkateak adierazi duenez, zinegotzi batzuek dietak jasotzea "legezkoa" da, haien erantzukizun mailaren arabera. Gaineratu du dietak Udaleko talde bakoitzak justifikatzen dituela: "Zinegotzi bakoitza zein bileratara joaten den pertsonalizatu egiten da. Dietak kobratzen dira, esaterako, Hirigintza edota Presidentzia bileretan, osoko bilkuretan parte hartzeagatik eta taldeko bileratara joateagatik".


Kanal honetatik interesatuko zaizu: CAN
Nafarroako Kutxaren auzia behin betiko artxibatu du Espainiako Auzitegi Nazionalak

Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.


CANeko ikerketa batzordearen ondorioak Fiskaltzara igorri ditu parlamentuak

Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.


Nafarroako Kutxaren desagertzea Goñiren eta UPNren kudeaketaren ondorioz izan da

Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.


2019-01-23 | ARGIA
Miguel Sanzen jarrera CANen ikerketa batzordean: dena ukatu eta abertzaleak seinalatu

Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.


2018-05-22 | ARGIA
Kontuz elkarteak diru bilketa hasi du Zamoraren lau auziei aurre egiteko

Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.


Eguneraketa berriak daude