ARGIA.eus

2020ko abuztuaren 10a

Cervera absolbitu dute

  • Santiago Cervera PPko diputatu ohia absolbitu du Nafarroako Justizia Auzitegiko Zigor arloko 3. Epaitegiak.

ARGIA @argia
2015eko ekainaren 17a
Santiago Cervera PPko diputatu ohia.

Epaiaren esanetan, ezin da frogatu Jose Antonio Asiáin Nafarroako Kutxako lehendakari ohiak 2012an jasotako xantaia mezuak Cerverak bidali zituenik. Guardia Zibileko teknikariak ondorio horretara iritsi ziren Cerveraren ordenagailu, telefono mugikor edo bestelako tresneria miatu ondoren eta epaileak funtsezkotzat jo ditu ikerketa horiek diputatu ohiari absoluzioa emateko.

2012ko abenduan jaso zuen Asiainek xantaia mezua e-posta bidez eta bere abokatu bulegoa eta CANen arteko hainbat lan hitzarmen ez aireratzearen truke, 25.000 euro eskatzen zitzaizkion. Asiáinek salaketa jarri zuen eta Guardia Zibilak amu bat jarri zuen Iruñeko harresietan sobre bat utziz. Cerverak egin zion kosk, baina bere esanetan, norbaitek jakinarazi zion CANeko barne arazoei buruzko informazioa egongo zela gutunazal hartan eta horregatik joan zela haren bila.

Atxilotu eta berehala diputatu karguaz dimititu zuen Cerverak eta ahozko auzia ekainaren 8, 9 eta 10ean egin zen. Cerveraren bertsioa sinesgaitza zela esanez, Asiánen akusazio partikularrak 14 hilabeteko kartzela zigorra eskatu zuen eta fiskaltzak absoluzioa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Cervera auzia  |  CAN  |  Ustelkeria

Cervera auzia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude