Iruñean greban dauden kultur langileek eta Ubiken greba egin zutenek enpresa berarentzat egiten dute lan
Sedena enpresako langileak greban daude Iruñean, "kulturako lan baldintzen alde" lelopean. Sedena da, hain juxtu, Donostiako Tabakalerako Ubik sorkuntza-liburutegiko bitartekarien zerbitzua adjudikatua duen enpresa. Prekarietatean lan egiten zutela salatzeko, zazpi hilabeteko greba egin zuten Ubikeko langileek, eta baldintzak hobetzea lortu zuten.
Iruñean asteartean hasi eta ostegunera arte dute greba egiteko asmoa. Lehenengo egunean 100 langilek parte hartu zutela eta greba arrakastatsua izan zela nabarmendu dute sindikatuek, Euskalerria Irratian: egun osoan itxita egon ziren kultur zentroetako asko, tartean Condestableko Civivox, Liburutegi Orokorra eta Uharteko Museoa.
Azpimarratzekoa da, Sedena enpresarentzat ari direla lanean, eta Tabakalerako Ubikeko bitartekarien kontratazioa daramana ere enpresa bera dela. Bigarren hauek 229 egun egin zituzten greban, 2018-2019 bitartean, besteak beste soldata baxuak eta kontziliaziorako aukera eza salatzeko. Baldintza duinak lortzeko balio izan zien greba luzeak, eta Xumar Altzugarai langileak orduan adierazi zigun moduan, "kulturgintzan prekarizatutako jendea martxan jartzera animatu dezake" beraien esperientziak. Kultur munduan nagusi diren prekarizazioa eta azpikontratazioaren aurka mintzatu zen.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.