Irisarriko ikastetxea okupatu dute, euskarazko murgiltzea aldarrikatzeko

  • Irisarriko eskola publikoak euskarazko murgiltze eredua eskatua du Lehen mailako ikasleentzat, Herriko Etxea eta ikuskaria ere alde ditu, baina ez dute Frantziako Hezkunde Nazionalaren erantzunik jasotzen. Gurasoek ikastetxea okupatu dute astearte goiz honetan.


2022ko ekainaren 14an - 10:19

Haur Hezkuntzan murgiltze eredua eskaintzen du dagoeneko Irisarriko eskolak eta datorren ikasturtetik aurrera segida eman nahi diote Lehen mailan, euskaraz hiru egun eta frantsesez beste egun bat emanez. Frantziako Hezkunde Nazionalak, baina, goizegi dela dio, eta presio egiteko dozena bat gurasok ikastetxea okupatu dute astearte goiz honetan.

Herriko Etxeak proiektua gehiengoz onartu duela eta ofizialki ez bada ere ikuskaria ere alde dutela kontatu dute Kazeta.eus-en. Eskaera Hezkunde Nazionalari luzatu zioten eta ekainaren 13an jaso behar zuten erantzuna, baina ez dute oraindik arraposturik izan.


Kanal honetatik interesatuko zaizu: Euskara Ipar EHn
2024-06-06 | Euskal Irratiak
Laborantza lizeoetan euskaraz ikasteko aukera ezbaian Parisen

Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.


2024-05-31 | Euskal Irratiak
Maddi Zubeldia
“Ziburuko plaza euskararen arnasgune izatea erdietsi dugu azokarekin”

Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak


2024-05-20 | ARGIA
“Geldi euskara zapaltzea” margoketagatik, pertsona bat auziperatuko dute

Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.


2024-05-16 | Euskal Irratiak
Mattin Irigoien
“Berrikuntzak frantsesaren eskutik heldu badira, zaila izanen da geroan euskaraz bizitzea”

Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.


Anne-Marie Lagarde. Matriarkatuaz (eta biziaz)
“Zukak puruki ezabatzen du sexu identitatea eta, hikak, aldiz, eraikitzen”

Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]


Eguneraketa berriak daude