Irisarriko eta Ainhoako eskolek euskarazko murgiltze eredua esperimentatuko dute

  • Eskola publikoetako gurasoen mobilizazioek eragin nabarmena izan dute Frantziako Hezkuntza Akademian. Heldu den ikasturtean, Irisarriko eta Ainhoako eskola puklioetan euskarazko murgiltze eredua jarraiko da indarrean.

ARGIA @argia
2019ko uztailaren 05a
Euskarazko hezkuntzako irakasle eta gurasoen elkarretaratzea, ekainaren 5ean, Donibane Lohizunen.

Bordeleko Akademia Errektoretzak aditzera eman duenez, datorren irailaz geroztik, ikasturte berrian, bi eskola publiko gehiagok esperimentatuko dute euskarazko “murgiltze eredua” deitutakoa: Irisarrin (Nafarroa Beherea) eta Ainhoan (Lapurdi).

Irisarriko eskolaren murgiltze sistema lantzeko nahia aspaldikoa da, baina Hezkuntzaren ezezkoa ukan dute eskaera egin zuenetik. Gurasoek mobilizazio andana egin dute urtez urte, are gehiago aurten, eta horra emaitza: euskarazko murgiltze ereduaren esperimentazio lerroa zabalduko dute heldu den ikasturtean.

2008an hasi zen lehen murgiltze esperimentazioa Ipar Euskal Herriko ikastetxe publikoetan, Miarritzen (Lapurdi). Hamazazpi ikastetxetan ari dira gaur egun. Ikas Bi guraso elkarteko kide Celine Etxebarnearen ustez, ageri denez, eredu horren “funtsezko beharra” dago.

Euskararen Erakunde Publikoko (EEP) lehendakari Beñat Arrabitek ereran berri duenez, eskola publikoetan “aitzina”  ari dira. Halaber, Seaska eta Frantziako Hezkuntzako arduradunen artean irakasleen lan-postuen inguruan lantzen ari den akordioa ere begi onez ikusi du. Arrabitek heldu den urteko eskola sartzearen baldintza hobetzeko lanean ari direla dio: “Baldintzak beteak dira sartzea giro baketuan egiteko”.

Alabaina, Irisarrin, esaterako, hamar ikasle hasiko dira esperimentazioan irailean, ordea, anartean, ez dakite zenbat irakaslerekin hasiko diren ere. Cecile Cachenaut irakasleak horrela erran du: “Ikustekoa da nola antolatuko dituzten postuak”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  Euskara Ipar EHn

Hezkuntza kanaletik interesatuko zaizu...
Azkenak
EGILEA
Eguneraketa berriak daude