ARGIA.eus

Itzulpen automatikoa / Machine translation

Internet modu arduratsuan erabiltzeko ezagutza nahikorik ez duela dio gazteen kasik erdiak

  • Hego Euskal Herriko gurasoen laurden batek baino gehiagok ez du inoiz seme-alabekin internet modu arduratsu eta seguruan erabiltzeko irizpideez hitz egin, inkesta baten arabera. Guraso hainbatek onartu du, hain justu, ez duela horretarako informazio nahikorik. Era berean, 11-15 urteko gazteen kasik erdiak dio ez duela internet modu seguruan erabiltzeari buruzko ezagutzarik, Espainiako Estatuan.

Galdekatutako guraso gutxi batzuek diote ikusi dituztela seme-alabak informazio pribatua interneten partekatzen, edota ezezagunekin on-line hitz egiten. Argazkia: Rawpixel.com / Freepik

2023ko abenduaren 06an - 04:28
Azken eguneraketa: 07:47

Gurasoei urrian egindako inkesta kaleratu du zibersegurtasunera dedikatzen den Kaspersky multinazionalak. Datuak Espainiako Estatukoak dira, baina erkidegoka aletutako datuetan Hego Euskal Herriko errealitatea ere ageri da, eta pasa den udan gazteei egin zieten inkestan ateratako ondorioekin ere konparatu dituzte datuak.

Kuriosoa da: gurasoei galdetuz gero, seme-alabak batez ere Youtuben (13 urtera artekoak) eta Whatsappen (14-17 urtekoak) dabiltzala diote; baina haur eta gazteei galdetuta, TikTok da erabiliena. Froga bat gehiago, gurasoek beti ez dakitela zertan dabiltzan seme-alabak interneten dabiltzanean, inkestaren egileen arabera. Nerabeen %76a bakarrik egoten da internet erabiltzen ari denean, ondoan heldurik gabe.

Gurasoek beti ez dakite zertan dabiltzan seme-alabak interneten dabiltzanean, inkestaren egileen arabera

Ezezagunekin txateatzen

Galdekatutako guraso gutxi batzuek diote ikusi dituztela seme-alabak informazio pribatua interneten partekatzen, edota ezezagunekin on-line hitz egiten. Gurasoen %75ak pentsatzen du seme-alabak ez daudela prestatuta edo ez dutela nahikoa ezagutzarik internet modu seguruan erabiltzeko. Ildo berean, 11-15 urteko gazteen kasik erdiak aitortu du ez duela ezagutzarik arlo horretan.

Hego Euskal Herrian zentratuta, gurasoen %75ak (EAEn) eta %67ak (Nafarroan) dio internet modu arduratsu eta seguruan erabiltzeko irizpideez hitz egin dutela haien seme-alabekin; eta hezkuntzan, interneteko segurtasuna landu dutela ikastetxeen %46ak (EAEn) eta %38ak (Nafarroan).

Inkestaren arduradunen arabera, ziberjazarpena, phishing-a (iruzur informatikoa) edo grooming-a (bere burua gazte gisa aurkezten duen heldua, sexu abusuak helburu) ohiko arriskuak dira, eta horien inguruan seme-alabak ohartaraztea, orientatzea, aholkuak ematea eta interneteko erabileran akonpainamendua egitea funtsezkoa da.

Beste hainbat datu ere ematen ditu inkestak. Adibidez, azken urteetan biderkatu egin dela haur eta gazteek interneten igarotzen duten denbora, eta gurasoek interneten pasatzen duten denbora errepikatzen dutela seme-alabek: helduek bi ordu baino gutxiago egiten dituztenean interneten, seme-alaben %80ak ere bi ordu baino gutxiago egiten ditu interneten; eta bi ordu baino gehiago eginez gero, haurren joera ere norabide berean doa.


Kanal honetatik interesatuko zaizu: Internet
Nola erabiltzen dituzte gazteek bideo-jokoak, sare sozialak eta joko plataformak?

11-16 urte bitarteko gazteen %23ak dio etxean ez dietela inongo kontrolik ez araurik ezartzen, mugikorraren, bideo-jokoen edo bestelako teknologiaren erabilerari lotuta. Nafarroako Ikastolen Elkarteak egindako ikerketaren emaitzetako bat da: “Gazteak digitalki hezten ari... [+]


Kristinn Hrafnsson Assangeren emaztea: "Estraditatzen badute, hil egingo da"

Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.


Danimarkak legez kanpokotzat jo du Googlek ikasleen datuak biltzea

Euskal Herriko eskola askotan bezala, Danimarkan ere Chromebook-ak eta Google Workspace (lehen G Suite for Education deitua) erabiltzen dira. Hala ere, datorren ikasturtetik aurrera gauzak aldatzera doazela dirudi, datuen babeserako agentzia daniarrak legez kanpokotzat jo baitu... [+]


2024-02-08 | ARGIA
'Internet familian' gurasoei zuzendutako gida-sorta plazaratu du Jaurlaritzak

Sei liburukik osatzen dute bilduma, haur eta nerabeen garapen-etapen arabera antolatuak. Interneten segurtasunez nabigatzeko eta gailu digitalak egoki erabiltzeko eta arriskuak murrizten saiatzeko jarraibideak jasotzen dituzte.


2024-02-02 | Sustatu
Wikiflex: Wikipediaren filmoteka, streaming modura

Wikiflex da Wikipediako Netflix moduko bat. Entziklopedia libre globalaren multimedia atalean, Wikimedia Commons-en, hainbat ikus-entzunezko material daude, eskubidez libre izatera pasatu diren film asko barne. Programatzaile batek, Magnus Manke alemanak, horien... [+]


Eguneraketa berriak daude