Industria kutsatzaileak ez erreskatatzeko eskatu du NBEk
Nazio Batuen Erakundeko idazkari nagusi den Antonio Guterresek apirilaren 28an eskatu du koronabirus krisiaren erdian diru publikoa ez dadila erabili kutsatzaileak diren industriak erreskatatzeko. Inbertsioak eredu jasangarrietan egitera dei egin zuen, horrek aldaketa klimatikoari aurre egiteko balio izan dezan.
"Negozioak erreskatatzeko zerga ordaintzaileen dirua behar denean, erabili behar da enplegu berdea sortuz eta hazkunde jasangarri eta inklusiboa sortuz. Ez agortuta dauden industria kutsatzaileak erreskatatzeko". Adierazpen hauek klima aldaketari buruz urtero Berlinen egiten den nazioarteko kongresuan egin zituen (aurten on-line egiten ari dira) Gutierresek.
Energia berriztagarrietan inbertitzeko deia
COVID-19aren krisitik ateratzeko gastatuko diren bilioi dolarrak trantsizio energetikoa egitera bideratzeko eskatu zuen, "teknologia berdeetan" inbertituz eta erregai fosilen menpeko diren horiek ordezkatuz.
Gutierresek azpimarratu zuen bai pandemiak eta bai klima aldaketak "lidergo ausart, begi oneko eta kolaboratzailea" behar dutela eta arrakastarako gakoa emisio gehien egiten dituzten herrialdeak direla, Txina eta AEB batez ere. "Emisio gehien egiten dutenek beren alea jartzen ez badute, gure ahaleginak porrota izateko arriskua dugu".
"Mundu hobea eraikitzeko aukera"
Gutierresek adierazi zuen garai zailetan itxaropena ere izaten dela eta nazioarteko komunitateak aukera duela mundu hobea "berregiteko". "Baliatu dezagun pandemiatik berreskuratzeko unea guztiontzako mundu seguru, osasuntsu, inklusibo eta erresistenteago baten oinarriak jartzeko".
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.