Iñaki Bilbao Goikoetxea 'Txikito'-k bost aste daramatza gose greban

  • Puerto de Santa Mariako (Andaluzia) Puerto III espetxean dagoen Iñaki Bilbao Goikoetxea Txikito-k urriaren 14 honetan bete ditu 35 egun gose eta komunikazio greban. Berarekiko elkartasunez manifestazioa egin zuten Bilbon joan den larunbatean, urriak 10, eta mobilizazio gehiago daude iragarrita egunotarako.


2020ko urriaren 14an - 10:59
Iñaki Bilbaoren aldeko manifestazioa (argazkia: AEM).

Irailaren 9ko goizaldean abiatu zuen gose greba Iñaki Bilbao Goikoetxea euskal preso politikoak Puerto III espetxean. Orduan Amnistiaren Aldeko eta Errepresioaren Aurkako Mugimenduak (AEM) aditzera eman zuenez, gose grebaz gain Bilbaok uko egin zion bere ziegatik ateratzeari ere: “Horrek esan nahi du ez duela patioko ordurik izango eta ez duela inongo komunikaziorik mantenduko, ez bisitarik ezta telefonozko komunikaziorik ere”.

Presoak iragarri zuenez, “Euskal Herria Independente, Sozialista, batua eta euskalduna” lortzea zen haren aldarrikapena. Bilbaok aldarrikapen horrekin hilabetez egin zuen gose greba 2017ko maiatz-ekainean, 30 egunen buruan eten zuena 16 kilo galduta eta jadanik ura edateko arazoak hasita.

Oraingo greba honetan, epaileek aginduta Bilbao ospitalera eraman zuten irailaren 29an bere osasun egoera azterteko; alabaina, laster eraman zuten bueltan Puerto III presondegira.

Iñaki Bilbaorekiko elkartasunez manifestazioa egin zuten joan den larunbatean, urriak 10, Bilboko kaleetan. AEMk zabaldu duenez, mobilizazio gehiago daude deituta egunotarako Euskal Herriko hainbat herritan.


Kanal honetatik interesatuko zaizu: Euskal preso politikoak
Sortuko sei kide epaituko dituzte euskal presoei "ongi etorri" ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


Eguneraketa berriak daude