Emakumeak borrokan

Gose greba utzi du Iņaki Bilbao euskal presoak 30. egunean

  • Amnistiaren Aldeko eta Errepresioaren Kontrako Mugimenduak jakinarazi duenez ekainaren 26ean utzi du gose greba Iñaki Bilbao presoak.

Xalba Ramirez @xalbaram
2017ko ekainaren 27a
Larunbatean Iņaki Bilbaoren aldeko mezuak izan ziren Bilbon (arg: La Haine)

Joan den maiatzaren 28an hasi zuen gose greba Bilbaok “independentzia eta sozialismoaren alde”. Hamasei kilo galdu ditu honezkero, eta jada uda edatea kostatzen zitzaion. Protestaren bitartez borrokaren balioa azpimarratu nahi zuen, eta bat egin AAEKMk abiarazitako kanpainarekin.

Hain zuzen, larunbatean deitu zuen mugimenduak manifestazioa Bilbon, eta 1.500 inguru pertsona batu ziren. Bertan bereziki EPPKren ildoarekin bat egiten ez duten presoak izan zituzten gogoan, eta tartean Bilbaoren gose greba eredugarritzat jo zuten: “Umiltasun eta eskuzabaltasun eredua da gure militantziarentzat”.

Muturreko isolamendu egoeran dago Bilbao azken hamar urteetan Bilboko Puerto III espetxean, eta senide eta lagunekin dituen komunikazioak behin eta berriro debekatzen dizkiote; jada ezin ditu lau lagunen telefono dei, bisita ez eta eskutitzik jaso.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
Azkenak
EGILEA
Eguneraketa berriak daude