Ikurrinaren aldeko manifestazioa egingo dute Bilbon abuztuaren 22an

  • Bilboko konpartsetan lanean dabiltzan hainbat herritarrek deituta, ikurrinaren aldeko manifestazioa egingo dute hilaren 22an Bilbon, Aste Nagusiko egun handian. 13:00etan plaza Eliptikotik abiatuko da, "Geurea ikurrina" lemapean.


2014ko abuztuaren 14an - 00:00
Azken eguneraketa: 2015-02-26 13:37:33
Borja Irizar konpartsakidea manifestazioaren aurkezpen-agerraldian. (Arg.:uriola.info)

Sonia Vilamor txupinera ohiak eta Borja Irizar konpartsakideak eman dute mobilizazioaren berri, asteazken goizean beste herritar batzuekin batera Arriaga plazan egindako agerraldian. Hauen esanetan, Aste Nagusian, jai herrikoien ereduaren sostengua "aldarrikapena eta konpromisoa" izango dira. 

Ikurrinaren 120. urteurrenean, "munduaren luze-zabalean euskaldun guztiok identifikatzen eta batzen gaituen ikurra" ikurrina dela aldarrikatuko dute. Horrekin batera, "ikurrinak urteetan jasandako jazarpena" eta "ikur arrotzen inposizioa" salatu nahi dute mobilizazioarekin.

Helburu hiroikoitza duela azaldu dute: euskal sinboloak normalizatzea, Bilboko kaleetako paisaia errealitate nazionalaren adierazgarri izatea eta Bilbo Euskal Herriko mapan kokatzea.


Kanal honetatik interesatuko zaizu: Ikurrina
Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


Kargutik kendu dute Osasunako Segurtasun Zuzendaria, ikurrina eta Nafarroako bandera kentzeagatik

Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.


Eneko Compains
"Inolako lege oinarririk gabe eta erabateko arbitrariotasunpean kendu zidaten bandera"

Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.


Buruntzako tontorrean ikurrina jarri dute, gurutze frankista zegoen tokian

Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]


Eguneraketa berriak daude