Ikatzezko zentral elektriko bat okupatu dute bederatzi orduz asteburuan Alemanian
Alemaniako Gobernuak esan izan du ikatzaren bidez elektrizitatea sortzeari utziko diola 2038erako, baina hala ere, "Datteln 4" zentrala irekitzeko baimena eman zuen Ipar Renania-Westfaliako estatu federatuan. 100 bat ekintzailek igande goizean okupatu dute, Deutsche Welle hedabidean irakur daitekeenez.
Antolatzaileen arabera, Ende Gelände eta DeCOALonize Europe mugimenduetako 150 ekintzaile inguruk Datteln 4 zentral elektrikoa okupatu dute igandean, Dortmund ondoan, Alemanian. Beraien webgunean irakur daitekeenez, bederatzi orduz blokeatu dute azpiegitura, azkenean poliziak handik bota dituen arte. Desobedientzia zibileko ekintza izan dela azaldu dute, aurreko asteko asteazkenean –urtarrilaren 29an– Alemaniako ministroen kontseiluak onartutako ikatzari buruzko lege proiektuaren aurka.
Daniel Hofinger, Ende Gelände aliantzaren bozeramaileak esan gisa, "gaurko ekimena erabat arrakastatsua izan da, eta hau hasiera besterik ez da. Datteln 4 borrokatuko dugu Hambach Basoa babesteko borroka egin genuen modu berean".
Gobernuak 2038an utzi nahi dio ikatza argindar iturri gisa erabiltzeari, baina data 2035era aurrera dezaketela jakinarazi dute, 2026an eta 2029an egin beharreko balantzeen arabera. Hala ere, ikatza erabiltzeari uztean, enpresa hauei milioika euroko kalte ordainak ordaindu nahi dizkiete. Mugimendu hauek klima larrialdia salatzeaz gain, trantsizio klimatikoaren anbizio falta salatu dute, baita gai honetan Ipar Hemisferioko herrialdeek duten "jarrera koloniala" ere.
ARGIAko irakurleek Ende Gelaende mugimendua ezaguna izango dute, klima larrialdia ardatz hartuta, desobedientzia zibileko ekintza masiboak egiteagatik azpiegitura erraldoiak blokatuz.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]