Alemanian meategi erraldoi bat gelditzen saiatu dira milaka lagun, klima aldaketaren aurka

  • Alemaniako Bonn hirian Munduko Klima Aldaketaren Konferentzia hasi aurreko egunean, igandean, desobedientzia zibila modu masiboan praktikan jarri dute milaka lagunek, Ende Gelände mugimenduak deituta.

Lander Arbelaitz Mitxelena @larbelaitz
2017ko azaroaren 06a
Ende Gelaende mugimenduko kideak. (Arg: EG)

Hainbat azpitaldetan antolatuta –behatz deitu diete antolatzaileek– Alemaniako Bonn hiriaren ondoan dagoen Hambach meategira sartu dira igandean. “Kapitalismo fosilaren” aurka, justizia klimatikoa eskatu dute 4.500 ekintzailek antolatzaileen arabera, 2.500ek Poliziaren arabera.

Protesta baketsua egiten ari zirenen aurka piper spraya eta borrak erabili dituzte, dokumentatuta geratu denez. Poliziak makinaria babestu du eta bi kide atxilotu.

“Edonon ari garela kapitalismo fosila borrokan, denontzako bizitza hobe baten alde ari gara borrokan”, adierazi dute Twitterren.

Argazki galderia, Ende Gelände mugimenduaren Facebook orritik hartuak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Klima aldaketa  |  Herri mugimenduak  |  Alemania  |  Ekologismoa  |  COP23

Klima aldaketa kanaletik interesatuko zaizu...
2018-10-08 | ARGIA
IPCCko adituek ohartarazi dute: "12 urte besterik ez dauzkagu klimaren beroketa katastrofikoa saihesteko"

Munduak Klimaz dauzkan aditu nagusiek, Nazio Batuen Erakundearen IPPC Klima Aldaketari Buruzko Gobernu Arteko Taldeak ohartarazi du planetak ez dauzkala 12 urte baino gehiago beroketa globalaren muga 1,5ºC-ren mugaren azpitik atxikitzeko. Hortik aurrera, gradu erdiko edozein igoera aski izango da milioika jende harrapa ditzaten lehorte, uholde, muturreko beroaldi eta pobreziak.


Baiona: erresistentzia eta eraikuntzarako deia Alternatibatik

Aldaketa klimatikoaren saihesteko bideak marrazteko eta justizia klimatikoaren alde lan egiteko gunea izan da Baiona Ttipia, asteburu guztian zehar. 15.000 herritar batu dira, hausnartzeko, alternatibak deskubritzeko zein garatzeko, eta nola ez, benetako aldaketak exijitzeko agintariei.


2018-10-04 | ARGIA
Alternatiba Tourra Donostian: Baiona helmuga, klimaren alde bizkortzea helburu

Urriaren 5ean, ostiralarekin, Donostiatik igaroko da Alternatiba Tourra. Ekainaren 9an Parisen hasi eta 5.800 kilometro egin ondoren Baionan asteburuan amaituko den bizikleta itzuliak klimaren aldeko bizkortzea du helburu, eta horretarako ekonomia eraldatzailea ezinbesteko dela diote ekimenaren sustatzaileek.


Code Rood mugimendua
Ehunka lagunek enpresa kutsakor bat blokeatu dute hiru egunez Herbehereetan, klima aldaketaren aurka

Code Rood mugimenduak bigarren aldiz blokatu du klima aldaketa eragiten ari den enpresa kutsakor bat, Herbehereetan. NAM izeneko enpresak gas tankeak dauzka Groningen hiritik gertu, eta bizilagunak gune kutsakorra izateaz gain, lurrikarak eragiten dituela salatzen ari dira. 700 lagunek desobedientzia zibileko ekintza prestatu eta 50 orduz sarbideak itxi zituzten, enpresaren lana etetea lortuz. Bost lagun zauritu zituen poliziak. Jarraian ekimenaren argazki eta bideoak.


2018-09-12 | ARGIA
Europako ingurumen zuzentarauak "deforestazio katastrofikoa" eragin dezake

Klima aldaketari aurre egin nahian, energia lortzeko egurra erretzearen alde egiten du Europar Batasunaren Energia Berriztagarrien Zuzentarauak. Bestelako neurririk gabe, ordea, egurraren demandak basoak hustuko dituela eta karbono dioxidoaren isuria handitu dezakeela ohartarazi dute zientzialariek. “Hondamendiaren hasiera da”.


Beroaldi globalak badu klase sozialen berri: txiroak kiskali estreina

2018ko uda beroarekin ipar hemisferio osoak hurbilagotik ezagutu du klimaren aldaketa. Tifoien edo uholdeen zalapartarik gabe, haiek bezain suntsitzaile gerta daitezke beroaldi handiak. Beste gauza gehienetan bezala, ordea, beroaren erasoa ez dute berdin nozituko hotza eskuratu dezaketenek eta freskatzeko modurik ez dutenek. Aire egokitua behar duten hirietan, gero eta hiritarragoa den gizadiaren barruan, jende eta auzo txiro eta bakartuenak dira galdaran legez egosteko arriskuan.


2018-09-07 | Nahia Ibarzabal
Nerabe batek eskola-greba hasi du klima aldaketagatik Suedian

Greta Thunberg hamabost urteko gaztea ez da itzuliko klasera, politikariek klima aldaketa saihesteko neurriak hartu arte.


2018-09-06 | Amaia Lekunberri
Hambacheko basoa husteko saiakeran ari da Alemaniako polizia

RWE konpainia elektrikoak basoaren 100 hektarea hustu nahi ditu lignitoa ateratzeko. Zuhaitzen mozketa eragozteko, arboletan eraikitako etxeetatik erresistentzia egiten ari dira ekintzaileak.


2018-08-24 | ARGIA
Desazkundeaz nazioarteko biltzarra burutzen ari dira Suediako Malm÷ hirian

“Garai nahasietako elkarrizketak” darama titulu Suediako Malmö hirian abuztuaren 21etik 25era burutzen ari diren Desazkundeari buruzko biltzarrak,  Desazkundea Ikerketzeko Institutuak antolatuta.


Kalifornia kiskaltzen ari da bere historiako suterik bortitzenaren garretan

Kalifornian Mendocino Complex bataiatu duten sutea estatuko hondamendirik handiena bilakatu da. Astearterako ofizialki 290.692 akre (117.638 hektarea) erreak zituela iragarri zuten, Gipuzkoako lurraldearen erdia adina. Geroztik, gainera, beste sute txikiago batzuekin elkartu da. 14.000 suhiltzaile daude estatuko hamasei suteri aurre egiteko egoera nahiko kaxkarrean. Oraindik egoera okerrera egingo du bero eta haize-bolada handiko egunak espero dituztelako eta hilabetea joango dela kalkulatu... [+]


Azkenak
EGILEA
Eguneraketa berriak daude