Azaroaren 12a: 18:00etan dago deituta Euskal Tsunamiaren Barraskilo Operazioa, Hegoaldean Oiartzungo AP-8ko ordainlekutik hasita. Ordu gutxi batzuk lehenago jakinarazi dute deialdia, eta denbora gutxian bertara elkarrekin joateko hitzordu publikoak egin dituzte herritarrek modu espontaneoan herriz herri. Gasteizen 25 lagun inguru elkartu dira Amaia Zentroan 16:00etan, eta bidean Lautadako jendearekin batu dira Ziordiko gasolindegian.

Astelehen goizean zabaldu du deia, asteazkenera arteko blokatzea deituz. Nazioarteko komunitatearen arreta piztu nahi du Tsunamiak. Teknologia berrietan eta autoetan oinarritzen da ekintza desobediente berria.

“Barrikadak jartzen ditugu eta su ematen diegu gure burua babesteko, Poliziak jendea jipoitu ez dezan”. Ongi laburtzen du txio honek Katalunian zabaldu den fase berria.

Zorigaitzeko arrazoi batek bultzatuta, egun ederra bizi izan du Kataluniako independentismoak. Erreferendum bat antolatzeagatik, ehun urteko espetxe zigorrak banatu dituzte buruzagi kataluniarren artean, baita erbestean dagoen Puigdemonten burua berriro eskatu ere. Hala ere, herritarrek 2017an Espainiako Estatuaren aurka jokatu zuten pultsua berreskuratzen hasi direla erakutsi dute.

Buruzagi independentisten aurkako sententzia ezagutzear dela, desobedientzia eta herritarren aktibazioa berreskuratzea helburu duten hainbat ekintza iragarri dituzte Katalunian. Bada errepikatzen diren zenbait ideia: alderdikeriari kritika, batasuna eta ilusioa berreskuratu beharra, eta herritarren konpromisoa izatea oinarria.

Lan sindikala egiteagatik espetxera kondenatua izan daiteke LAB sindikatuko kidea. Horrela gertatuz gero, desobedientzia eginen duela iragarri du Imanol Salinasek eta zigorra betetzera ez dela aurkeztuko adierazi du. Era berean, urriaren 10ean, beste protesta sindikal batengatik aurreikusia dagoen epaiketara ere ez da azalduko.

Aje luzea utzi du euskal herrigintzan G7aren kontra-gailurrak. Borroka bidaideen arteko bai, –bidaide diot – tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko batasunen atzeko desadostasunak agertzen dira.

Sare sozialen bitartez aurkeztu da Tsunami Democrátic. Autodeterminazioaren aldeko borrokan “pilatutako desorientazioa eta frustrazioa” irauli eta “esperantza piztu” nahi du ekimen herritarrak, zeharkakotasuna eta irmotasuna uztartuz. Espainiako Epaitegi Gorenak erreferendumaren inguruko epaia jakinaraztear dela aurkeztu da.

G7aren goi bilerak berarekin dakarren errepresioaren aurrean, autodefentsa juridikoa bultzatuko du kolektiboak. Egun osoz martxan izango den telefono zerbitzua ere prestatu dute.

Sevillako Atletismoko Mundialeko Txapelketarenmaskotaz mozorrotu eta inaugurazio ekitaldian sartu ziren hainbat ekintzaile, euskal preso politikoen herriratzea aldarrikatuz. Milioika pertsonak ikusi zuten ekintza zuzenean telebistaz.