ARGIA.eus

2022ko maiatzaren 19a

Ikastolen Elkartea: "Ez gaude prest ez dagozkigun ardurak hartzeko"

  • Ikastetxeetan pandemiaren kudeaketa gero eta zailagoa egiten ari zaiela eta baliabideak behar dituztela adierazi du Ikastolen Elkarteak: “Inpotentziaz eta nekez bizitzen ari gara ematen ari diren hainbat egoera eta ez dagozkigun ardurak hartzen ari gara gure gain azkenaldian, Osasun sailetik erantzun eraginkorrik ez dugulako jasotzen”.

2022ko urtarrilaren 14a

“Zuzendaritza taldeek haiei dagozkien ardura batzuk alde batera utzi behar izan dituzte Hezkuntza sailetatik datozen protokoloei aurre egiteko. Eta hala erabaki dugu, arduraz jokatu nahi izan dugulako”, azpimarratu dute ikastolek, Osasun eta Hezkuntza Sailen arteko irizpide-desberdintasunek eta protokoloen zehaztapen faltak ez dutela laguntzen nabarmenduz.

“Behin ikasleak etxeratuta, familiek adierazi digute Osasun sailetatik ez direla beraiekin harremanetan jartzen ari edo oso berandu ari direla. Ondorioz, gure familiengan egoera oso gogorrak sortzen ari dira. Egonezina hazten ari da etxe askotan”, salatu dute.

Ardurak eta baliabideak

Ikastolen Elkartea ez dago prest ez dagozkien ardurak hartzeko, “batez ere horretarako prestatuta ez gaudelako”. Osasun arduradunei dagokie osasun irizpideen araberako erabakiak kudeatzea, dio, COVID kasuen gestioa hezkuntza komunitatearen gain utzi beharrean.

Nafar Gobernuak eta Eusko Jaurlaritzak egoera hau kudeatzeko baliabide gehiago jarri behar dituztela ere garbi du Ikastolen Elkarteak; “beren garaian jarri zituztenak ez dira nahikoak une honetan, eta ikasturte osoan zehar ere hala izango da”.

Eskola kirolean, "errazenera jo dute"

Eskola kirolaren asteburuetako jarduna EAEko hiru lurraldeetan bertan behera gelditu dela-eta, kritiko mintzatu dira ikastolak: “Orain arte asteburuko jarduna era seguru eta ordenatuan egin da, protokoloak zainduz, arduraz jokatu dugu ikastoletan. Aldiz, Administrazioek errazenera jo dute, berriro ere eskola kiroleko asteburuetako jardunaldia bertan behera utzi dute horrek izan ditzakeen ondorioak aintzat hartu gabe. Eusko Jaurlaritzako arduradunei dei egiten diegu eskola kirolaren inguruko gogoeta egin eta asteburuetan ere kirola egiteko aukera ematera, horretarako beharrezkoak diren baldintza eta neurriak ezarriz”.

Umeen ongizate fisiko zein emozionalari begira, COVID-19ak, neurriek, protokoloek eta horien kudeaketak ikasle eta langileengan izan duten eraginaren azterketa sakona egitea ere eskatu dio administrazioari Ikastolen Elkarteak, “emaitzetan oinarritutako irtenbideak proposatu ahal izateko”.

Kanal hauetan artxibatua: Koronabirusa  |  Hezkuntza  |  Ikastolak

Koronabirusa kanaletik interesatuko zaizu...
2022-04-25 | Bizilan
Maskarak lanean noiz Hego Euskal Herrian? Ministerioaren gida

Apirilaren 20an BOEn argitaratu zenez, egun horretan bertan indargabetu zen maskarak barnealdeetan edo toki itxietan erabiltzeko derrigortasuna. Aginduan hainbat salbuespen ondo zehazturik daude. Maskara erabiltzen jarraitu beharko dugu (6 urtetik gorakook) ondoko eremu... [+]


2022-04-19 | ARGIA
Hego Euskal Herrian maskara ez da derrigorrezkoa izango toki itxietan, salbuespen batzuekin

Osasun zentroetan, zahar-etxeetan, farmazietan eta garraio publikoan musukoa erabiltzen jarraitu beharko da Hego Euskal Herrian, gainerako leku itxietan ez. Lantokian, enpresetako lan osasuneko prebentzioko arduradunen esku egongo da azken erabakia.


Munstro populistak COVID-19aren eta Ukrainako gerraren inguruko eztabaidetan
Ezegonkortasunaren eta alternatiba faltaren sintomak

Ikusiko zenituen sareetan jo eta su eztabaidan. Beharbada, izan duzu haiekin ika-mikarik ere. Edo agian zu zara haietako bat. Lasai, ez da ezer gertatzen. COVID-19aren krisiak eta Ukrainako gerrak iritzi publikoa astindu dute eta lehen ez bezalako protagonismoa hartu dute,... [+]


2022-04-12 | ARGIA
Downing Streeten pandemia garaian festak egiteagatik isuna jaso du Boris Johnsonek

Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.


Euskal Herrian maskaraz

Apirilaren 20an jaio zen Adolf Hitler eta apirilaren 20tik aurrera barrualdeetan ez da derrigorrezkoa izango maskara janztea Hego Euskal Herrian. Kasualitatea? Ez dut uste. Bale, Ipar Euskal Herrian martxoaren 14an kendu zutela, baina ze kointzidentzia, egun horretan jaio zen... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude