Ikastolen aurkako oldarraldia
Hezkuntzaren inguruan eztabaidatzeko beharra beti izango badugu ere, EAEn oraintxe dugu parada ezinhobea, datozen urteetan hezkuntza arautuko duen legea onartzeko bezperan baikaude. Horrek zera esan nahi du, beharrezkoa dugula eztabaida, ideien trukaketa, baita talka neurtu bat ere, zergatik ez. Tamalez, iruditzen zait zenbaitzuk mugak gainditzen hasiak direla, iritzitik gezurrera erraz jauzi eginez. Noski, mota horretako erasoak bereziki mingarriak dira bidaide gisa duzunaren ahotik jasotzen dituzunean.
Lehenik eta behin, Eliza da deus zuzentzeko ez duen erakunde bakarra, hura baita akatsgabearen, ahalguztidunaren, orojakilearen babesean jarduten den bakarra. Besteok, autokritika egin, hobetzekoak onartu eta apaltasunez lanari ekitea besterik ez dugu. Zentzu horretan, Ikastolek hobetu beharreko hamaika afera dituzte, dudarik ez dut, eta horiek identifikatzea eta zuzentzea dagokie, aurrera egitea lortuko badute. Izan ere, Ikastolen Elkarteak gizarteak dituen erronka handienei heltzeko asmoa berretsi du (segregazioa, etorkinak, euskara…). Haatik, onartezinak iruditzen zaizkit zenbait sektorek egunotan egindako adierazpenak: Ikastolak “segregaziorako tresna izugarri”, “jatorriaren eta gizarte-mailaren araberako berdintasun eza erreproduzitzeko instrumentu” edo “sistema publikoa irensteko erakunde” gisa definituz. Hori gutxi ez eta Ikastolak Iberdrola, Confebask edo Blackstone bezalako inbertsio-funts zitalekin parekatzera heldu dira. Orain dela ez hainbeste EH Bildu eskuin muturrarekin parekatu zuten, supremazista izatea egotziz euskararen aldeko neurriak defendatzeagatik. Dena ezkerreko pentsamenduaren izenean.
Elizarekin ez dakit, baina nazioarekin topo egin dugu, beste behin. Nazio zapaldua gara, eta hori argi dugunok erraz ikus dezakegu gure herriaren eta hizkuntzaren aurkako eraso bortitzenak sarritan erakunde publikoetatik datozela: euskara “zaila delako” esku hartzen duen epailea, euskarak atzerriko hizkuntzen legezko aitorpen berbera jasotzea edo teorian euskaraz eskaintzen diren hamaika zerbitzu publiko gaztelaniaz soilik jasotzeko aukera egotea, besteak beste. Zerrenda amaigabea da, eta, hortaz, ez da harritzekoa euskal komunitateak sortzeko, antolatzeko eta ekiteko moduak administrazio publikotik kanpo bilatu izana. Noski, Espainia ardatz dutenentzat (oso zilegi dena), fikzioa besterik ez da hau guztia, nazionalisten kontuak, bigarren mailako arazoak. Ostia!, herri honetan sindikatuak dira euskararen aldeko neurriak salatzen dituztenak, azterketak euskaraz egiteko eskubidearen alde borrokatu behar dira ikasleak eta gure hizkuntzaren ezagutza eskatzeagatik baztertzaileak garela jasan behar dugu behin eta berriro. Ez dakit ohartuko zineten, baina ez gara normalak. Eta, halere, bagara zerbait, bagara norbait, eta ez dugu onartuko izatea ukatuko digunik.
Zorionez, zerbaitetan bat gatoz: lotsagarria da Hezkuntza Publikoan dagoen utzikeria. Eta onartezina da ikastetxe publiko askok bizi duten egoera, ikasleek zuzenean pairatzen dutena. Horregatik ezinbesteko deritzot Eskola Publikoaren indartzea, behar dituen baliabideez hornitzea eta bertako hezkuntza-komunitateak esateko duena aditzea. Baina argi izan: Ikastolen desagertzeak ikastolen amaiera besterik ez dakar, hezkuntza publikoa kudeatzen dutenek agintean eta ildo beretik jarraituko baitute, betiko legez.
Euskadik Eskola Publiko osasuntsu eta indartsu bat behar du, hezkuntza-eskubidea bermatuko bada. Euskal Herriak Ikastolak behar ditu, biziraungo badu. Bakoitzak beretik, bide berbera eginez. Hezkuntzaren, hizkuntzaren eta herriaren alde.
Danel Abando Olabarri, irakaslea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]