Igor Uriarte aske utzi du epaileak eta urtebete eman dio bere egoera legeztatzeko

  • Astelehenean atxilotu zuten Urruñan Frantziako lurraldean egoteko debekua duela-eta. Preso ohiak epaitegian azaldu du ez zuela debeku horren berririk.


2020ko urriaren 08an - 15:45
Uriarte aske uztea eskatzeko elkarretaratzea Urruñan (arg.: EH Bai)

Ostegun eguerdian igaro da epaile aurretik Igor Uriarte Lopez de Bikuña Txopo preso ohi gasteiztarra eta auzia momentuan bertan ebaztea adostu dute. Frantzian egoteko debekua ezarri zioten, baina fiskalak azkenean ez du bere kanporatzea eskatu eta urtebeteko epea ematea proposatu du, bere egoera legeztatzeko.

Uriartek argudiatu du ez zuela debekuaren berri eta bere bikotekidearekin Urruñan bizi dela 2018an espetxetik irten zenetik, Hala Bedik jakitera eman duenez. Ziburuko azoka batetik itzultzen ari zela atxilotu zuten jendarmeek eta Baionako polizia-etxean eduki dute.

Epaiketa azkarra izan da eta defentsak zigorrik ez ezartzea eskatu duen arren, onartu du fiskalaren atzerapen eskaria. Hala epaileak urtebeteko epe hori eman dio, 2021eko iraila arte, eta aske utzi du.


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude