Igor Uriarteren atxiloketa Frantziako Estatuan sartzeko debekuarekin lotuta legoke, berri agentzien arabera

  • Asteartean Igor Uriarte atxilotu du Frantziako Poliziak, eta asteazken goizean eramango dute epailearen aurrera. 2013an atxilotu eta espetxeratu zuten Uriarte, astelehenean Guardia Zibilak atxilotu zituen Arkauz eta Eizagirrerekin batera.


2020ko urriaren 07an - 09:22
Argazkia: Hala Bedi.

Poliziak Baionako polizia etxera eraman du atxilotua. Atxiloketaren zergatia guztiz argitu gabe dagoen arren, lehen momentuan pentsatu zen lotura izan zezakeela astelehenean Guardia Zibilak Espainiako Auzitegi Nazionalaren aginduz abiatutako polizia operazioarekin. Espainiako berri agentziek zabaldu dutenaren arabera, ordea, Frantziako Estatuan sartzeko debekuarekin lotuta atxilotu dute eta baliteke preso ohi gasteiztarra Ipar Euskal Herritik kanporatzea. Atxilotuak ez dauka kausa irekirik Espainiako Estatuan.

Igor Uriarte López de Bikuña "Txopo" gasteiztarra da sortzez. 2013an atxilotu zuen Poliziak Montpellierren (Okzitania), ETAko kide izatea leporatuta, Ekhiñe Eizagirre eta Kepa Arkauzekin batera. 2018ko martxoan espetxetik irten zenean espainiaratu zuen Frantziak, Espainiak abiatutako euroagindu baten ondorioz, baina Auzitegi Nazionalean deklaratu ostean aske geratu zen. Urruñan (Lapurdi) bizi izan da geroztik.

Arkauz, Eizagirre eta Jaioren arabera

Bestalde, astelehenean Guardia Zibilak atxilotutako Kepa Arkauz, Ekhiñe Eizagirre eta Imanol Jaioren egoerari dagokionez, Naiz hedabideak argitaratu duenez hirurek uko egin diote Guardia Zibilaren aurrean deklaratzeari. Beren abokatuekin hitz egin ostean, jaso duten tratua "zuzena" izan dela adierazi dute. Iaz Ertzaintzak Arabako Arraia-Maeztun aurkitutako armategi batekin lotuta atxilotu dituzte. Jakin ahal izan denez, zulo horretan gordetako materialek hamar urte baino gehiago zeramaten bertan gordeta.


Irakurrienak
Matomo erabiliz
Azoka
Kanal honetatik interesatuko zaizu: Euskal gatazka
Estatuaren edo eskuin muturreko taldeen lehen hamabi biktima onartu ditu Nafarroako Gobernuak

Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.


Jon Anzaren desagerpenetik hamabost urtera, galderek erantzunik gabe jarraitzen dutela salatu dute

Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]


Sortuko sei kide epaituko dituzte euskal presoei "ongi etorri" ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


Urtebeteko eta bi urteko espetxe zigorrak eskatu ditu prokuradoreak Molle eta Etcheverry bakegileentzat

Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]


Eguneraketa berriak daude