Ibilgailuen Azterketa Teknikoko grebak jarraipen zabala izan du Nafarroan
Bulegoetako langileen %88ak egin du geldialdia, ikuskarien artean %80ak (Mercairuñea eta Arbizuko datuak). Mercairuñan 50 ibilgailuri egin diete azterketa teknikoa. Ohiko egun batean 500 egiten dituzte. TÜV Rheiland enpresarenak dira hirurak. Langile gehiago eta baldintza hobeak exijitzen ari dira.
Bilera dute TÜV Rheiland enpresako zuzendaritzarekin urriaren azken egunean. Baina beranduegi da langileetzat. Ekainetik ari dira ohartarazten gainezka daudela eta erabiltzaileei zerbitzu egokia eskaintzetik urrun. Langile gehiago behar dituzte eta lan baldintza hobeak. Nafarroako Gobernuak beste hamar urterako eman dio kontzesioa TÜV Rheiland enpresari eta hortaz, gobernuari ere eskatzen ari zaizkio ziurtatu daitezela 50 langileen baldintzak. Izan ere, kontratazio berriei 927 euro eskaintzen dizkie enpresak, eta hori, onartezina dela nabarmedu dute langileek.
Uda honetan agerikoa izan da ezinean dabiltzala. Hiru orduko ilarak jasan behar izan dituzte askok autoari errebisioa pasatzeko. Ez dira iristen lan guztiari irtenbidea ematera. Erabiltzaileak kexu dira, baina, ikuskariei botatzen diete horren "errua".
Kontent grebaren jarraipenarekin
"Kontent gaude grebak izandako erantzunarekin", adierazi dute langileen ordezkariek. Lehen datuak jaso dituzte eta agerian uzten dute ITV-IAT lantokiek "aldaketa" behar dutela. Mercairuñako eta Arbizuko bulegoetan aritzen diren bederatzi administrarietatik bik baino ez dute lana egin, alegia, %88ak grebarekin bat egin du. Ikuskarien artean %80koa izan da babesa: bi lantokien artean dauden 25 ikuskarien artean bostek egin dute lan.
Gipuzkoako aurrekaria
Duela bost urte, Irungo eta Urnietako IATetako langileek ere grebari ekin zioten euren lan-baldintzak hobe zitezela eskatzeko. Errebisio teknikoa egiten duten bi leku horien esleipen publikoak ere TÜV Rheiland enpresaren esku daude eta hilabete luzetako lanuzteen ondoren lortu zuten langileek euren eskariak betetzea. 2013an greba hari buruz ARGIAn egin genuen erreportaje honetan, dagoeneko aipatzen ziren Nafarroako zerbitzuetako ilara luzeak.
Albiste honen zati bat Euskalerria Irratiak argitaratu du eta CC-by-sa lizentziari esker ekarri dugu ARGIAra.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.