5.000 lagun batu dira Baionan, Macronen austeritate politikak salatzeko
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
"Itxaropena, justizia soziala eta justizia fiskala ekarriko dituen besteko aurrekontu baten alde" mobilizatzeko deia luzaturik zuten ostegun honetako sindikatuek, eta antolatzaileen arabera, 5.000 lagun batu dira Baionako manifestazioan. UNSA, CFDT, CGT, FO, CGC, CFTC, Solidaires eta FSU sindikatuak, baita Ipar Euskal Herri mailako LAB eta ELBk ere dira deitzaileen artean.
Frantziako Gobernuaren aurrekontuko murrizketen "bortizkeria" salatzen dute sindikatuek. Ondokoa irakurri daiteke intersindikalaren grebarako deialdian: "Bi jaiegun kentzea, zerbitzu publikoetan murrizketak egitea, lan-zuzenbidearen ahultzea, langabezia-aseguruaren enegarren erreforma, gizarte-prestazioak eta funtzionarioen soldatak kontratupeko langile gisa izoztea, erretiro-pentsioak desaktibatzea, mediku-frankiziak bikoiztea, opor ordainduen bosgarren astea zalantzan jartzea... Neurri basatiak bezain bidegabeak dira guztiak".
Sindikatuek deitu arren, irailaren 10ean abiaturiko Dena blokeatzeko mobilizazioaren jarraipen gisa ere ikusi daiteke gaurkoa.
"Dena blokeatzeko" bigarren ekintza eguna
Ekintza burutu dute goizean goiz 50 bat herritarrek Miarritzeko Hotel du Palais luxusko hotelaren atarian. Hotelerako sarrera blokeatu dute, laburzki bada ere, hain justu, hamar bat minuturen buruan parean zituztelako poliziak. Bi lagun atxilotu dituztela jakitera eman du bertan egon den Leire Casamajou BERRIAko kazetariak.
Anonimoki bada ere, dirudunen guneak jomugan hartzeko deia zabaldua zuen azken egunetan herritarren mugimenduak. Irailaren 10ean, milaka lagunek bat egin zuten dena blokeatzeko deiarekin.
Miarritzeko ekintzaren argazkia, Leire Casamajou kazetariaren eskutik:
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Irulegiko arnoaren sindikatuak antolaturik, Irulegiko arnoaren sormakaren besta ospatuko da buruilaren 14an, igandearekin, Irulegin. Mahastia, arnoa eta tokiko kultura uztartuz, egun osoan animazioak.
Orain Baionako merkatuko saltzaileek afitxa bidez jakinarazten dute euskaraz eta gaskoiz aritzeko prest direla. Baionako Herriko Etxeak duela bi urte abiatutako euskara plangintzaren ildotik ekintza abiatu du.
Basaizeak, Baztango Gazte Asanbladak, Baigorriko eta Erratzuko gazteek elkarlanean prestatu dituzte Izpegiko Bestak. Elkartasuna, memoria kolektiboa eta engaiamendu politikoa izanen dituzte ardatz.
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Bozketa arauei dagokionez hainbat aldaketa bideratu zituen maiatzaren 21ean bozkaturiko legediak. Bozkatzeko prozedura argiturik, abuztuaren 27an eman du hauteskundeen agendaren berri Frantziako Gobernuaren bozeramaileak.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Iaz jasotakoarekin alderatuta, %15eko murrizketa jasango luke Euskal Kultur Erakundeak. Prentsa ohar batean, erakundeak adierazi du erabaki horrek "ondorio latzak" izango lituzkeela: esaterako, hainbat postu arriskuan egongo liratekeela eta kideei emandako dirulaguntza... [+]
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Martxan daude okzitanieran jatorria duen hizkuntza berpizteko hainbat ekimen. Ipar Euskal Herrian galzorian dagoen hizkuntza da gaskoia; aurreko mende hasieran galdu zen Hego Euskal Herrian.