Ia erabiltzaileen erdiek positibo eman ondoren, hainbat langileren proben emaitzen zain daude Barrikako Elorduy egoitzan
Barikutik zapaturako gauean jakin zen beste patologia batzuengatik ospitaleratuta zeuden Barrikako Elorduy zahar-egoitzako hiru erabiltzailek positibo eman zutela koronabirusa atzemateko probetan. Egoitzako erabiltzaile eta langileei probak egin dizkiete, eta denera 33 positibo izan dira, horietako lau langileenak. Hala ere, oraindino beharginen erdien emaitzak falta direla azaldu digu Fernando Ibarra Elorduy Fundazioko kudeatzaileak.
Ibarraren esanetan, positibo gehienak asintomatiko daude: "Sintomak izan dituzten lau egoiliar joan dira ospitalera, eta une honetan haien egoera egonkorra da, konplikaziorik gabekoa". Probetan birusa atzeman zaien lau langileak etxean daude, eta egoiliarrei dagokienez, solairu berean elkartu dituzte positibo denak. "Ezin dira solairu horretatik irten eta COVIDaren aurkako protokoloak ezarri dira; gainerakoan, ohiko jarduerak egiten segitzen dute", azaldu du Ibarrak. Hori bai, bisitak egoitza osoko erabiltzaileentzat (69 dira denera) etenda daude, behin-behinean.
Egoitzako arduradun nagusiak zehaztu duenez, hala ere, positibo emandako hiru egoiliar Birjinetxeko zentrora bidali dituzte, arreta espezializatuagoa eman diezaieten. "Gaitasun kognitiboak mugatuta dituzte, hara-hona ibili ohi dira, eta nekez ulertzen dute koronabirusa dutela eta momentuz ezin direla irten dauden solairutik". Edozelan, hiru kasu horiek ere asintomatikoak direla adierazi du kudeatzaileak.
Ibarraren esanetan, osasun-arduradun batek ere ez zion egoitzari jakinarazi aurrez ospitalean zeuden hiru egoiliarrek positibo eman zutela. Senideen bitartez jakin izan dute. Bestalde, harridura agertu du oraindino lantaldearen erdia kutsatuta ore dagoen ez dakitelako, proben emaitzarik ez baitiete eman. "Lanez gainezka daudela diote". Bitartean ahalik eta normaltasunik handienaz lanean jarraitzen dute, langileren batek sintomak agertzen ote dituen arretaz behatuz. Oraingoz denak daude asintomatiko, positibo eman ondoren etxean bakartu dituztenak barne.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.