Huaweik utzi egingo dio Europari maskarak donatzeari, Borrellen adierazpen batzuen ondorioz

  • Josep Borrel Europar Batasuneko kanpo arduradunaren adierazpen batzuek eragin dute Txinako multinazionalak atzera egitea. Huaweik jakinarazi du ez dituela osasun materialak donatuko aurrerantzean. Duela bi egun iragarri zuen Espainiara milioi bat maskara bidaliko zituela, Herbeereetara 838.000, Italiara 200.000 eta 12.000 Poloniara, besteak beste.


2020ko martxoaren 27an - 19:34
Huaweik atzera egingo du Borrellen adierazpenen ostean.

Joan den astelehenean Europar Batasuneko Kanpo Ordezkari Josep Borrellek iradoki zuen Txinako hainbat enpresak maskarak eta osasun materiala oparitzearen atzean, intentzio politikoak ezkutatzen direla. Xiaomi, Oppo, Alibaba edo Huawei dira azken egunotan koronabirusa borrokatzeko donazioak egin dituzten Txinako enpresetako batzuk.

Politikari espainiarra "Txinaren maskaren diplomaziaz" mintzatu zen ondorengoa adierazteko: "Txinak ondorengo mezua bidaltzen du energia handiz: AEB ez bezala, bera sozio arduratsu eta fidagarria dela". Gehitu zuen "mundu mailako errelatoaren bataila" jokatzen ari dela egunotan, eta Europar Batasunari sinesgarritasuna kentzeko saiakerak egin direla adieraziz ez dela kide fidagarria. "Kontziente izan behar dugu geopolitikaren elementua ere badagoela, baita gertaeren interpretazioan eragiteko nahia ere, eskuzabaltasunaren politikaren bidez. Gertaeretan oinarrituta, Europa defendatu behar dugu bere aurkarien aurrean".

Huaweiren erreakzioa

Borrellen posizioaren ostean, Huaweik komunikatu baten bidez iragarri du Europari maskarak oparitzeko bere programari amaiera jarri diola, Euractiv agentziak jaso duenez. "Ez dugu geure burua halako errelato batean murgilduta ikusi nahi", adierazi dute.

Martxoaren 20an Japoniara 500.000 maskara bidali zituen, eta Irlandara ospitaleetarako materiala, artikulu honetan irakur daitekeenez.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude