Hogei egunez luzatu dute FARC-EPren armagabetzea, bake prozesuaren atzerapenagatik

  • Hiru astez luzatu dute FARC-EPren armagabetze prozesua; maiatzaren 30ean zen amaitzekoa, hasierako akordioaren arabera, baina ekainaren 20ra arte luzatu dute epea. Gobernuak ez ditu bake prozesurako azpiegiturak burutzeko epeak bete, eta atzerapenak eragin ditu.

Lukas Barandiaran San Roman
2017ko maiatzaren 30a
Gerrillarien armak kontzentrazio gune batean. (Arg.: Colombia Informa)

Azaroaren 24an sinatu zuten akordioa sinatu zuten bake akordioa Juan Manuel Santos Kolonbiako lehendakariak eta Rodrigo Londoño Timochenko FARC-EPko buruak Bogotan, eta D egun gisa, bake akordioa inplementatzeko eguna abenduaren 1a ezarri zuten. D eguna+180 delakoa maiatzaren 30ean tokatzen zen, armagabetzea burutzeko eguna. Eguna iritsita ez dute prozesua amaitu, eta gerrillak, gobernuak eta NBEk (armak jasotzen ari dena) epea luzatzea erabaki dute. Epe horretan, Kolonbiako El Tiempo egunkariaren arabera, 7.000 fusil inguru entregatu beharko ditu gerrillak.

Ez da atzerapen bakarra; Jarraipen, Bultzatze eta Egiaztatze Batzordeak bake akordioko hainbat punturen egoera eta luzapenei buruzko informazioa eman berri du. FARC-EPko gerrillariak kontzentratuta dauden guneak ere indarrean mantenduko dituzte aurreikusitakoa baina 60 egun gehiagoz. Tarte horretan garatu beharko ditu gobernuak gerrillariak legalitatera eta bizitza arruntera itzultzeko mekanismo guztiak, baita beren bizitza bermatzeko segurtasun neurriak ere. Izan ere, azken asteetan gerrillari eta gerrillarien senide ugari hil dituzte.

Datozen hogei egunetan ere, gobernuak gerrillarien amnistia gauzatzeko konpromisoa hartu du, hala nola talde paramilitarren eta kriminalen kontra egingo duen polizia talde berezia martxan jartzekoa. FARC-EPk, berriz, bere biktimei ordaintzeko ezarriko dituen ondasunen zerrenda aurkeztu behar du, baina Seusis Pausias “Jesús Santrich” gerrillako buruak esan du armagabetzea eta FARC-EPren legeztatzea burututakoan egingo dutela hori.

Adostutakoaren inplementazioak atzerapen handia du, batez ere gobernuaren betetze ezagatik. Duela egun gutxi gerrilla kexu zen adostutako nekazal erreformarako gobernuak prestatutako legeak aldaketa handiak zituela eta. Bestalde, gerrilla desmobilizatu ahal izateko eraiki behar zituen azpiegituren zati oso txikia eraiki du, eta horrek atzerapenak eragin ditu prozesuaren agendan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kolonbiako bake prozesua  |  Kolonbia  |  FARC

Kolonbiako bake prozesua kanaletik interesatuko zaizu...
2018-08-29 | Nahia Ibarzabal
Desagertuta dago Ivan Marquez, FARC-en bake-prozesuko negoziatzailea

Carlos Antonio Lozada senatari kolonbiarrak jakitera eman duenez, FARC alderdi ezkertiarrak ez du Marquez alderdikidearen berririk. Beste bi gerrillari ohi ere desagertuta daude.


2018-07-01 | Ander Perez
Kolonbia
Bakearen nahi eta ezina

Bake akordioen ondorenean bizi da Kolonbia, bake osora iritsi nahi eta ezinean. Herrialdeak normaltasun itxura eskaintzeko ahaleginean dihardu, baina indarkeria gorde du oraindik barrenean. Hitzarmenak betetzeko zailtasunei, negoziazioen aurkari nagusi izan den uribismoaren itzulera gehitu behar zaie orain, Ivan Duque presidente berriaren eskutik. Momentuz, agindu du ez duela bake akordioa “birrinduko”, baina aldaketak aurreikusi ditu.


Mireya Andrade
"Bake-akordioetatik ez da ia ezer bete, %18 edo"

Mireya Andrade, Maria Lucelly Urbanoren gerra-izena da. 27 urte eman ditu FARCen eta erakunde armatuak eta Kolonbiako gobernuak Habanan egindako negoziazioetan parte hartu zuen urtebetez, Genero Gaietarako Azpibatzordeko kide gisa.


2018-02-21 | Miren Osa Galdona
322 lider politiko hil dituzte Kolonbian 2 urteetan, azken biak asteburuan

Bake prozesua hedabide nagusien agendetan egon da, baina titular horien atzean beste errealitate bat ere badago: 322 lider politiko hil dituzte bi urtean; 49 FARCeko kide ohiak dira. Aurtengo zifrei erreparatuta, jada 33 buruzagi politiko hil dituzte. Azkenak asteburu honetan: FARCeko bi kide ohiei eraso egin diete. Hirugarren eraso bat ere izan da, lider indigena baten aurka, baina bizirik irten da.


2017-11-12 | Jabi Zabala
María José Pizarro:
"Gerrillaz mintzatzea ia tabua da Kolonbian"

Duela 27 urte hil zioten aita, berak 12 zituela, baina hura ez zen bidearen amaiera izan, erbeste eta urruntze aldi luze baten abiapuntua baizik. Egiaren bila, 2010ean Kolonbiara bueltatu zen María José Pizarro, M-19 gerrillaren buruzagi Carlos Pizarro zenaren alaba, aitaren aldarrikatzaile nagusi bihurtuta. Simón Hernández zuzendariak egindako Pizarro film dokumentalaren beste protagonista dugu María José, haren bitartez aita zenaren figura ezagutzeko... [+]


2017-06-11 | Xuban Zubiria
Luis Plaza Velez, Kolonbiako sindikalista
"Multinazionalek ahal duten guztia egingo dute bake akordioa bete ez dadin"

SAT sindikatuak gonbidatuta bi hilabete igaro ditu Luis Plaza Velez sindikalista eta irakasle kolonbiarrak Espainiako Estatuko sindikalismoa aztertzen. Euskal Herrira egindako bisita baliatu dugu Kolonbiaren gaurkotasunaz galdetzeko.


Erresistentzia martxa koloretsua

Kolonbiako herri indigenetako milaka lagunek “lurraldea, bizitza eta herrien duintasuna” aldarrikatu dute Jamunditik Calirainoko martxan. Gobernuaren eta FARC-en arteko akordioaz geroztik 180 herritar indigena hil dituztela eta herri indigenen aurkako giza eskubideen urraketa etengabea dela salatu dute ondorengo komunitateetako kideek: Guainia, Meta, Guajira, Amazonas, Misak eta Chami. Amalurra defendatu eta babesteagatik beldurtzen, hiltzen edo herrietatik botatzen dituztela salatu... [+]


FARC-EP eta Kolonbiako Gobernua bildu dira Habanako akordioa berpizteko

Kolonbiako Gobernua eta FARC-EP gerrilla Cartagenan bildu dira asteburuan. Bake akordioa sinatu eta ehun egunetara, adostutakoaren inplementazioa gaizki eta berandu egiten ari direla jabetzean, konpromisoak hartu dituzte prozesua bizkortzeko.


Kolonbiako Gobernua ez da Habanako bake akordioa betetzen ari

FARC-EP gerrillako buruek, Bogotan egindako prentsaurrekoan, salatu dute Kolonbiako Gobernua ez dela betetzen ari Habanako bake akordioetan adostutakoa. Ez ditu eraiki desmobilizaziorako eta armagabetzeko beharrezko azpiegiturak, eta horrek prozesua atzeratzea eragin du. Gainera, FARC-EPren erretiratzearekin paramilitarren ofentsiba gogortzen ari da, eta gobernuak ezikusiarena egiten du horren aurrean.


Eguneraketa berriak daude