Euskara “larrialdi linguistikoan” dagoela adierazi du Euskalgintzaren Kontseiluak
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak proposatutako ebazpena aho batez onartu dute Europako hizkuntzen sareak Bilbon egindako batzarrean.
Larrialdi linguistikoaren inguruko ebazpena azaroaren 9an irakurri dute, ELEN Europako hizkuntzen sareak Bilbon egin duen batzar orokorrean. Elin H. G. Jones ELENeko presidenteak, Davyth Hicks ELENeko idazkari nagusiak, eta Idurre Eskisabel ELENeko presidenteorde eta Euskalgintzaren Kontseiluko idazkari nagusiak irakurri dute adierazpena.
Gogorarazi dute katalanak eta galizierak ere, “hurbileko hizkuntzak eta egoera bertsuan daudenak”, ohartarazpen bera egina dutela. ELENek adierazi du hizkuntza politikan jauzi bat ematen ez bada, “bizigarritasun soziala irabazi ordez galtzen hasteko bidean” direla hizkuntza horiek, euskara barne.
ELENeko kideek ez dute arrangurarako deia egin nahi izan, eta adierazi dute “euskararen normalizazio eta biziberritzea onbideratzeko lehen urratsa emateko modua” dela onartutako ebazpena. “Egoera itzulikatzeko”, euskararen normalizazioa eta biziberritzea agenda politiko eta sozialaren ardatzean kokatzea ezinbestekotzat jo dute.
Europako instituzio, agintari, eragile politiko, sozial eta herritarrei ere dei egin die neurriak hartzera, “homogeneizazio kulturala saihesteko”.
Ahultzearen zantzuak
Ebazpenean azpimarratu dute euskarak haren normalizazioan eta biziberritzean aurrerapausoak eman dituela. Hiztun kopurua handitzen ari dela azaldu dute, baina horren ahultasuna agerian uzten duten hainbat gertakari zerrendatu dituzte: Ipar Euskal Herrian hiztun kopuru erlatiboa apaltzen ari da; Nafarroan hamar ikasletik seik ez du inolako harremanik euskararekin ikasketa prozesuan; EAEko gune euskaldunenetan erabilera atzera egiten ari da; eta Euskal Herri osoa hartuta, hiztunen %17,5 baino ez da moldatzen errazago euskaraz erdaretan baino.
Ahultasunak euskararen estatusarekin zuzeneko lotura duela adierazi dute. Euskara ofiziala ez den Ipar Euskal Herriko eta Nafarroako zati bateko egoera gogorarazi dute. Bestalde, EAEn eta Nafarroako “eremu euskaldunean” ematen ari den oldarraldi judiziala aipatu dute, zeinaren bidez “euskararen aldeko hizkuntza politikak eraisten ari diren”.
Eta azkenik, globalizazioa eta digitalizazioa aipatu dituzte. Adierazi dute horien eraginez “hizkuntza hegemonikoak are eta hegemonikoago direla eta hizkuntza minorizatuak are eta zaurgarriago”.
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Euskalgintzaren Kontseiluak antolatutako "Ongi etorri Euskararen Mundura" jardunaldiak izan dira Gasteizen ostegunean eta ostiralean. Egun bi bete-beteak, eta mahai gainean Euskararen normalizazio prozesuan euskal herritar berriak integratzeari buruzko praktikak... [+]
UGT sindikatuak B2 maila ezartzearen aurka egin zuen. EAEko Justizia Auzitegi Nagusiak Euskotreneko hautaprobetarako ezarritako euskara eskakizunak ontzat hartu ditu. Kontseiluak esan du, hizkuntza eskubideen defentsan “urrats garrantzitsua” eta “berri... [+]
Urriaren 10 eta 11n Gasteizko Europa Jauregian egingo dira Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan urtero antolatzen dituzten jardunaldiak.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Jaurlaritzak EAEko administrazio publikoa euskalduntzeko iragarri duen dekretua baloratu du Euskalgintzaren Kontseiluak. Aurrerapauso batzuk onartzen badizkio ere, gabeziak eta eta dekretuak hasierako bertsiotik azkenera bidean izan dituen aldaketa negatiboak azpimarratu ditu... [+]
Euskalgintzaren Kontseiluak 2023. urteko irakurketa egin eta ondorioak aurkeztu ditu ostiralean. Bertan, lurralde bakoitzean arloz arloko hizkuntza-politiketako aurrerapausoak, oztopoak eta atzerapausoak azaldu dituzte, eta 2023ak euskararen normalizazioan eta... [+]
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango... [+]
Larunbateko manifestazioaren balorazioa egin du Euskalgintzaren Kontseiluak asteartean eginiko prentsa agerraldian. Mobilizazioaren arrakastaren ondoren, euskararen aldeko itun soziopolitiko berri bat indar handiagoz sustatzen jarraitzeko konpromisoa agertu du. Oldarraldiaren... [+]
Euskalgintzaren Kontseiluko idazkari nagusiak larunbateko manifestazio jendetsuaren balorazio baikorra egin du igande goizean Euskadi Irratian. Bildutako jendetza herritarren euskararekiko konpromisoaren erakusgarri dela adierazi du, baina PSEren eta Ahal Duguren falta sumatu... [+]
Euskalgintzaren Kontseiluak deitutako manifestazioan 70.000 pertsona inguru elkartu dira Bilbon. Kontseiluak akordio soziopolitikoa eskatu du, euskararen aurkako oldarraldi judizialari hesia jartzeko eta etorkizunera begirako hizkuntza politikak bideratu ahal izateko.
Larunbatean egingo da Kontseiluak eta euskalgintzak bultzatu duten manifestazioa, Oldarraldiaren aurrean, euskararekin bat, euskaraz bat lelopean. Milaka lagun espero ditu Kontseiluak Bilbon, eta bertaratzeko arrazoiak gogoratu ditu asteartean eginiko agerraldian. Euskararen eta... [+]
Astebetean bigarren kolpea eman du EAEko Justizia Auzitegi Nagusiak. Lehenengoan bezala, bigarren honetan ere, udaletan euskara lehenesteko aukera zabaltzen duen udal legearen aurkako epaia izan da. PPren helegitea partzialki onartu du Auzitegi Nagusiak. Epaia ez da irmoa eta... [+]