Azken epai euskarafoboaren harira, “enplegu publikorako hizkuntza bakarra gaztelania izatea” salatu dute
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
aurre egingo dieten hedabide independenteak
Kabia, Gipuzkoako Foru Aldundiari atxikitako organismo autonomoa da, adinekoen eta mendekotasun egoeran dauden pertsonen zaintzaz arduratzen dena. Erakundeak, euskarazko B2 maila eskatzen du egoitza gehienetan, eta B1 maila kudeatzen dituen beste zenbaitetan. Bi langilek Kabiaren aurkako bi salaketa jarri ostean, Donostiako epaitegi batek salaketarekin bat egin eta erakundeko hizkuntza eskakizunak neurriz kanpokotzat jo ditu. Gonzalo Perez Sanz epaileak eskakizun horiek euskararen normalizazioa "maximizatzeko" nahia dutela, eta langileen eskubideak urratzen dituela argudiatu du.
Erakundeek, euskararen aurkako oldarraldi judizialaren baitan kokatu dute auzia eta, “euskararen normalizazioaren aurkako erasotzat” jo dute epaitegiaren erabakia. Elkarretaratzean, sindikatuek azpimarratu dute ebazpenak erabiltzaileei zein langileei eragiten diela. Egoitzetako erabiltzaileek euren hizkuntzan zaindua izatea “ongizate eta zaintza duin baterako oinarrizko baldintzetako bat” direla argudiatu dute. Horrez gain, erakundeek azaldu dute “kezkagarria” dela horrelako jarrerek “langileen lan baldintzetan eta euren motibazioan” izan dezaketen eragina.
Donostiako Administrazioarekiko Auzietarako epaileak esan du euskara ezinbestean jakiteak "enplegu publikoa lortzeko oinarrizko eskubidea urratzen" dutela. Eragileek administrazioari erantzuteko beharra azpimarratu dute eta, ELAk, LABek eta Kontseiluak baieztatu dute ez dela onargarria gaztelania izatea enplegu publikorako hizkuntza bakarra, eta hizkuntza berdintasunaren aldeko borroka indartzea ezinbestekoa dela.
Euskara taldeak aktibatu dira
Urriaren 28an eta 29an hiru elkarretaratze deitu dituzte Tolosan, Bergaran eta Irunen, Kabiak egoitzak dituen hiru herritan. Astelehenean Tolosako Epaitegiaren aurrean eta Bergarako San Martin Plazan 19:00etan, eta asteartean Irungo San Juan Plazan ordu berean.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]