Hiru lagun epaituko dituzte apustu etxeen aurkako kartelak jartzeagatik Andoainen
Asteartean, 28, asanblada informatibo bat egingo dute, 19:00tan Andoaingo Zumea Plazan, herri mugimenduko hiru kide hauen epaiketa dela-eta: “Apustu etxeen aurka azaltzeko deitzen ditugu herritarrak”.
Andoaingo herri mugimenduko 3 kide epaitegira deituak izan dira maiatzaren 30erako, apustu etxeen aurkako kartel batzuk ipintzeagatik.
Apirilean herri mugimenduak kanpaina bat abiatu zuen "Apustu etxeak kanpora, ez Andoainen, ez inon" lelopean eta koloredun kartel batzuk jartzen: “Gaia gizartean hartzen ari den oihartzuna eta zabaltzen ari den kezkaren haritik, beste udalerri batzuetan egiten ari diren lanketekin bat egin eta kontzientziazio lana egiteko asmoz kanpaina txiki jarri genuen martxan”.
Kanpaina honen barruan, hitzaldi bat ere antolatu dute ludopatia eta adikzioen inguruan, Oreretako Ekintza Bibe taldearen eskutik. Hau ekainaren 10ean izango da, Urigainen 18:30tan: “Arazo honek gazteengan duen eragin kaltegarria eta sortzen dituen familia desestrukturazioak gero eta ugariagoak dira. Gizarte bezala eginbeharra dugu egoera hauek bideratzeko”.
Albiste hau Topatu-k argitaratu du eta CC-by-sa lizentziari esker ekarri dugu.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.