Hirietan autoen abiadura 30 km/ordura murrizteko eskatu dute
Kanpaina martxan dute Europan, hirietan autoen abiadura 30 km/ordura murrizteko eskatuz. Nazio Batuen arabera, hori da oinezkoak eta txirrindulariak trafiko istripuetatik babesteko neurririk eraginkorrena. Ekologistak Martxan eta Biziz Bizi elkarteek bat egin dute ekimenarekin, Bilbon.
Neurria arau bihurtu dadin, kanpainan parte hartzen ari diren elkarteak Europako Hiri Ekimena ere ari dira bultzatzen: alegia, zazpi estatutako milioi bat herritarren sinadura bilketari ekin diote.
Race Espainiako auto-gidarien elkarteko datuen arabera, Espainiako Estatuan urtero autoek 10.000 lagun inguru harrapatzen dituzte eta istripu horietatik %92 hirien barruan izaten dira. Abiadura murriztearekin, istripuak gutxitzeaz gain istripu horien larritasuna ere txikituko litzateke, balaztatzeko behar den distantzia laburtzerakoan norbait harrapatuta hiltzeko aukerak %45etik %5era jaitsiko bailirateke.
Bestalde, Eusko Jaurlaritzak jakinarazi du hirian egiten den desplazamendu kopuru handiena oinez egiten dela: Bilbon desplazamenduen %58,9, Gasteizen %58,7 eta Donostian %42,5.
Istripuak eta istripuen larritasuna gutxitzeaz gain, beste helburu batzuk ere lortu nahi dituzte ekimenaren sustatzaileek: kutsadura txikitzea, CO2 gutxiago igorriz eta airearen kalitatea hobetuz; zarata maila hiru dezibel gutxitzea (soinu-kutsaduraren kausa handienetakoa da trafikoa); erregaien gastua eta energiarekiko menpekotasuna txikitzea; eta auto-ilarak eta auto-pilaketak gutxitzea.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.