Larunbat goizaldean 40 urte inguruko emakume baten gorpua aurkitu dute Getxo eta Portugalete (Bizkaia) arteko itsasadarreko uretan, Bizkaiko Zubitik gertu. Hasieran suizidio kasutzat ikertu bazuten ere, El Correo-k astelehenean jaso du kasua tratatzen ari den Guardia Zibilak ez duela baztertzen hilketa izatea. Hedabidearen arabera, autopsian itota hil izanaren zantzuak topatu dituzte. Halaber, gorpuak pisuak zituen lotuta gerriaren inguruan eta laupabost egun zeramatzan uretan. Larunbatean 06:00ak aldera topatu zuten hilotza.

Hildakoa identifikatzeko lanetan ari dira, ez baitzuen agiririk aldean. Bilboko Auzitegi Medikua egiten ari da gorpuaren autopsia.