ARGIA.eus

2021eko maiatzaren 09a

Hilekoa duten egunetan ordu batzuez lan egiteari uzteko baimena izango dute Gironako Udaleko langileek

  • Hilekoak eraginda lanerako moduan aurkitzen ez denak baimena izango du Gironako Udalean (Katalunia) hilean zortzi ordura arte lan egiteari uzteko, medikuaren agiririk erakutsi beharrik gabe. Hurrengo hiru hilabeteetan berreskuratu beharko ditu ordu horiek. “Ezikusia eta estigmatizatua” izan den prozesu fisiologiko honen inguruan negoziatzeko erabakia langileen sindikatuak izan du.

Mikel Garcia Idiakez @mikelgi
2021eko maiatzaren 04a
Irudia: vulvani.com

Osasuna eta lana kontziliatu ahal izateko, hilekoak eragindako eragozpenengatik emakume batzuek jai eta opor egunak hartzen zituztela ikusita, negoziaketa-mahaira eraman du gaia CSC sindikatuak, eta akordioa lortuta, ekainean udalbatzak berrestea aurreikusten da. Orain, malgutasun baimen hori Kataluniako lantoki guztietara eramatea du helburu sindikatuak.

Baimena ez da ari hilekoari lotuta segimendu medikua behar duten gaixotasunez, baizik eta hilekoaren eraginez une jakin batzuetan lan egiteari uzteko emakume batzuek izan dezaketen beharraz. Testuak jasotzen duenez, langile klaseko emakumeak dira hilekoak eragindako arazoak kontziliatzeko zailtasun handienak dituztenak.

Hilekoari buruz Espainiako Estatuan maila honetan negoziatu den lehen aldia dela azpimarratu du sindikatuak.

Asian aitzindari

1947tik, Japonian hilekoa dutenean lanera ez joateko baimena dute emakumeek, eta hilabetero deskantsu egun bat dute Hego Korean 2001etik eta Taiwanen 2014tik. Indonesian ere badute horretarako eskubidea, nahiz eta medikuaren agiriarekin joan behar duten, eta Txinan ere lanean deskantsu egunak hartzeko baimenak dituzte eskualde ugaritan.

Mendebaldean, baina, ez da batere ohikoa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hilekoa  |  Osasuna  |  Langile borroka  |  Katalunia

Hilekoa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude