Bultza kazetaritza independentea
2019an hitzeman zuen PSOE eta Podemosen gobernu koalizioak hilekorako produktuen BEZa jaitsi edo ezabatuko zuela, baina azkenean 2023ko Estatuko Aurrekontu Orokorretan txertatuko dute neurria, BEZa %10etik %4ra apalduta.
Maiatzean atzera bota zuen Espainiako Ogasunak tanpoi, konpresa edota kopa menstrualei BEZa %10etik %4ra jaisteko neurria, Abortuaren Lege erreforman txertatu nahi zutena. Irene Montero Berdintasun ministroak gogorarazi zuen emakumeen %22ak dioela ezin dituela oinarrizko produktu horiek ordaindu, eta esan zuen BEZa apaltzeko edo ezabatzeko eztabaidatzen segiko zutela. 2019an jada gobernu koalizioak hitzeman zuen neurri hori ezarriko zutela, baina azkenean 2023ra arte itxaron behar izango da.
2023ko Estatuko Aurrekontu Orokorretan sartuko dute produktu hauen BEZaren jaitsiera: menstruazio produktuena, preserbatiboena eta medizinalak ez diren antisorgailuena. Ez diete BEZa jaitsiko haurrentzako zein helduentzako pixoihalei, nahiz eta Podemosek hori ere eskatu zuen.
BEZ oso murriztuarekin, baina hilekorako oinarrizko produktuak ordaintzen jarraitu beharko du Hego Euskal Herriko biztanleen erdiak. Beste toki batzuetan, ordea, dohainik eskuratzeko aukera dute. Besteak beste, Ipar Euskal Herriko unibertsitateetan eta ikasle egoitzetan tanpoiak eta konpresak doan banatzen hasi ziren 2021ean, Frantziako Gobernuak ikasle elkarteekin eginiko akordio baten ondorioz.
Halaber, Eskoziako Parlamentuak 2020an erabaki zuen hilekorako produktu higienikoak doakoak izatea; munduko lehen herrialdea izan zen eskola eta unibertsitateetan produktu horiek dohainik ematen, Berria egunkariak jaso duenez. Zeelanda Berrian ere 2021ean hasi ziren ikastetxeetan doan ematen menstruazio produktuak.
Bartzelonako Clínic ospitaleko Ginekologia eta Obstetrizia saileko arduraduna eta Society of Endometriosis and Uterine Disorders elkarteko presidentea da Francisco Carmona (Jaen, Espainia, 1959). 2021ean Endometriosis. La guía para entender qué es y... [+]
Ane Narbarte Lasa eta Maddalen Aristegi Sanchez oiartzuarrak dira Loregorri proiektuaren sortzaileak, “ziklizitatea eta hilekoa askatasunez bizitzea” helburu duen egitasmoa. Euskal Herri osotik euskarazko tailerrak emateaz gain, haiek ekoiztutako konpresa ekologikoak... [+]
Odola dario literaturari artikuluan euskal literaturan hilekoak bete izan duen tokiari erreparatu genion, aztertzeko nola irudikatua izan den. Artikulu haren segida da honakoa, baina fokua pixka bat zabalduta: testuaz gain irudiak ere barne hartzen dituzten lanei erreparatuko... [+]
- Ba al zatoz, izeba? –galdetu zidan bainujantzia soinean eta loredun flotagailuak besoetan.
- Bai. Egon pixka batean, komunetik pasa behar dut eta –erantzun nion maitekor.
- Lagunduko dizut! –Eskutik helduta abiatu ginen eskaileretan gora.
Soinekoa... [+]
Nola dago irudikatua hilekoa euskal literaturan? Ainhoa Aldazabal Gallastegik esku artean ibilitako liburuetan aurkitu ditu, besteak beste, hain hedatuak dauden hilekoarekiko isiltasuna, tabua eta mina, baina baita hilekoaren beste perspektiba bat plazaratzen duten narrazioak... [+]
