Kirolean hilekoa gehiago ikertu dadila eskatu du Dina Asher-Smith atletak

  • Erresuma Batuko Dina Asher-Smith zen Munichen jokatu berri diren Europako Atletismoko Txapelketan 100 metroko lasterketa irabazteko hautagai nagusia, baina azkena egin zuen. BBC hedabidearen elkarrizketan aditzera eman du hilekoaren eraginek zaildu ziotela lasterketa eta kirol zientzietatik zikloa gehiago ikertzeko eskatu du.


2022ko abuztuaren 23an - 11:04

Abuztuaren 16an jokatu zen 100 metroetako finala eta zangoko kalanbreen ondorioz herrenka amaitu zuen lasterketa Dina Asher-Smithek. Baina ondoren, abuztuaren 26an jokatuko zen 200 metroetako finalerako sailkapen lasterketan azkarrena izan zen eta hori lortu ostean adierazpen hauek egin zizkion BBC hedabidearen kirol kateari:

"[hilekoa] Kiroleko gai handi bat da emakumeentzat"

"Nik uste dut jende gehiagok ikertu behar duela kirol zientziaren ikuspegitik".

"Batzuetan, ibilbide sendoa duten neskak ausaz amiltzen ikusten dituzu, eta barrutik benetan borrokan ibili dira".

"Finantzaketa gehiagorekin egin liteke, gizonen kontua balitz gauzei aurre egiteko milioi bat modu ezberdin izango genituzkeelako".


Kanal honetatik interesatuko zaizu: Hilekoa
2023-10-03 | Leire Artola Arin
Zikloan
Hilekoaren zikloa euskaraz ezagutzeko lehen web aplikazioa sortu dute Iametzak eta Ara!Gorputzek

Norbere zikloaren ezagutza ugalkortasunetik harago ezinbestekoa dela uste dute sortzaileek, eta oinarrizko hiru puntu errespetatu dituzte Zikloan web aplikazioa egiterakoan: ikuspegi feminista kritikoa, datuen babesa eta euskara hutsean izatea.


Hilekoa min kroniko bihurtzen denean

Asenna Nafarroako Endometriosi Elkartea sortu dute gaixotasuna ikusarazi, elkar babestu eta formakuntzak emateko. Salatu dute “gutxi” ikertzen dela eta mediku batetik bestera ibili behar dutela.


Ekainetik aurrera Hego Euskal Herrian baja hartu ahal izango da hilekoagatik, abortuagatik eta haurdunaldiagatik

Europar Batasunean hilekoaren minaren ondoriozko baja aitortu duen lehen estatua da Espainiakoa. Abortuaren Legearen erreformak jaso ditu neurriok.


Ginekologoarengana joateko hamaika traba

Hainbat gaztek ginekologoarekin duten lehen harremana korapilatsua izan ohi da. Euren bizipenak eta kezkak kontatu dizkigute Aroa Sotelok (Bilbo, 1998), Ainhoa Labairuk (Bilbo, 1998), Naiara Martinek (Mar del Plata, Argentina, 1990) eta Uxue Reyk (Iruñea, 1997). Lehenago... [+]


Materialismo histerikoa
Kamehameha egoerak

Imajinatu, nonbait honetako elkarteren batean, neska sartu berri batek, inozentzia osoz proposatzen duela komunean, komuneko papera dagoen moduan, konpresak edo tanpaxak jartzeko. Eta komuneko papera jartzeaz arduratzen den kidea guztiz asaldatzen dela bere adinean konpresak... [+]


Eguneraketa berriak daude