Hezkuntza komunitateak protestara deitu du Palestinako haur eta nerabeen alde
Gasteizko dozena bat ikastetxe eta institutuk pasa den astean egin zuten publiko komunikatua, eta astelehen honetan Bilboko beste hogei eskola batu zaizkie, publiko zein Ikastola. ELA, LAB eta Steilas sindikatuak ere tartean daude. Sinadura bilketa abiatu dute.
"Umeen aurkako erasoaldi gupidagabeak harritu eta ikaratu egiten gaitu", adierazi dute gaur goizean eginiko agerraldian Bilboko hogei eskolatako ordezkariek, horixe bera baitiote publiko eginiko manifestuan. Palestinako haur eta nerabeak pairatzen ari diren sarraskiak "barrenak inarrosten" dituela diote, eta "suminduta" daudela. "Egunero erailtzen ari diren Gazako haur horiek gure seme-alabak direla aldarrikatu nahi dugu, eta haien gurasoak gure neba-arrebak direla; beraien mina gure bihotz barrenetan sentitzen dugu".
13.000 haur baino gehiago erail ditu Israelek Gazan. "Haurren hilketa sistematikoaren aurrean, ezin dugu beste alde batera begiratu; beren seme-alabekin ihesi doazela, Israelgo armadako frankotiratzaileek nola erasotzen dituzten ikusten dugunean, gure egiten dugu eraildako ama bakoitza, haien ondoan erortzen den haur bakoitza".
Pasa den astean, Palestinako umeak gureak ere badira lelopean, maiatzaren 10ean manifestatzera deitu zuten Gasteizko dozena bat eskola eta institutuk. Elkarri babesa adierazita, manifestazio horretara batzeko deia egin du Bilbon agerraldia egin duen hezkuntza komunitateak.
Sinadura bilketa
Euskal Herriko guraso elkarte, ikastetxe, institutu eta hezkuntza komunitateko eragile orori manifestua sinatzeko deia egin diote, eta bide horretan, maiatzaren 10eko mobilizazioan parte hartzeko deia luzatu.
SINATZAILEAK
Gasteiz
San Martín
Zabalgana
Mariturri
Aldaialde
Toki Eder
Barrutia
Abetxuko
Aita Orbiso
Ibaiondo
Lakuabizkarra
López de Gereñu
Zabalgana institutua
Mendebaldea institutua
ELA
LAB
Steilas
Euskal Eskola Publikoaz Harro plataforma
Bilbo
Atxuri Eskola
IPI Pagasarribide
Iruarteta Eskola
Cervantes Eskola
Zurbarango Eskola
Uribarri Eskola IGE Pantxike
Urretxindorra Ikastola
Abusu Ikastola
Intxixu Ikastola
Basurto Eskola
Luis Briñas
Mugika Eskola Makuma
Arangoiti eskola
San Inazio Eskola
Gallego Gorria Eskola
Karmelo Ikastola
Tiboli Eskola
Solokoetxe BHI
Gabriel Aresti
Errekalde
Miribilla Eskola
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]
Gauerdian manifestazio isila egin dute Iruñean, Palestinako herria jasaten ari den genozidioa salatzeko.
Gazako osasun sistema kolapsatzeko zorian dagoela jakinarazi du bertako Osasun Ministerioak, erregai faltaren eta Israelen erasoen ondorioz. Urriaren 7tik 500 mediku eta 138 erizain hil ditu Israelek, eta 33 ospitale suntsitu. Rafah-tik 300.000 pertsonak egin behar izan dute... [+]
Egiptok Camp David-eko akordioa haustearekin mehatxatu du Israel, Rafah-ko operazioarekin aurrera egiten badu. Hegoafrikak Nazioarteko Justizia Auzitegiari eskatu dio agindu dezala Israel Rafah-tik ateratzeko.