Hernaniko Txosna Batzordea: “Faxismoari eta arrazakeriari bidea itxiko diegu”
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau guztia antolatzen ari zareten taldeei argi esan nahi dizuegu aurrean izango gaituzuela".
Ekainaren 23ko gauean izandako hiru erasoez gain, San Joan jaietan magrebtarren kontrako beste hainbat eraso izan direla esan du Hernaniko Txosna Batzordeak, eta horrelakorik ez dutela onartuko argi utzi nahi izan du.
Ostiralean, jaien azken egunean, agerraldi jendetsua egin dute dozenaka lagunek txosnagunean, batzordea osatzen duten eragileek deituta. Amher SOS Arrazakeria ere ondoan izan dute. San Joanetan gertaturikoa salatu eta alarma jo dute amaieran irakurritako oharrean.
Euren esanetan, Hernaniko erasoak ezin dira modu isolatuan ulertu, baizik eta mundu mailan gertatzen ari den "faxismoaren gorakadaren" testuinguruan. Hala, Txosna Batzordeak ziurtatu du Hernanin aste batzuk zeramatzatela "jarrera, gezur eta ekintza antolatu arrazistak bizitzen", eta jaietan oso gordin azaleratu dela hori guztia.
Txosna Batzordeak ziurtatu du Hernanin aste batzuk zeramatzatela "jarrera, gezur eta ekintza antolatu arrazistak bizitzen"
Gutxienez zortzi eraso izan dira
Agerraldian azaldu dutenez, larunbatean izan zen lehen erasoa magrebtar gazte baten aurka. Ondoren, San Joan gaueko momentu desberdinetan hiru talde eraso egin zituzten dozenaka lagunek, "eraso oso larri eta antolatuak hirurak". Eta orduan Ertzaintzak hainbat oldarraldi bortitz egin zituen Hernaniko erdigunean, baita txosnagunean ere. Txosna Batzordeak poliziaren "betiko jarrera" salatu du eta elkartasuna adierazi die zaurituei.
Baina eraso horiez gain, gau berean bost magrebtarren kontrako beste hiru eraso ere izan zirela ziurtatu dute txosnetako eta Amherreko kideek; eta "hori gutxi ez eta" hurrengo gauean beste magrebtar gazte batek jasandako erasoaren berri izan dute.
Denera, gutxienez zortzi eraso arrazista izan dira Hernaniko jaietan: "Hala ere, ziur gaude horiez gain, beste hainbat ere izango zirela", esan dute.
Denera, gutxienez zortzi eraso arrazista izan dira Hernaniko jaietan: "Hala ere, ziur gaude horiez gain, beste hainbat ere izango zirela", esan dute txosnetako eta Amherreko kideek
Sare sozialak, gezurrak eta beldurra
Hernaniko Txosna Batzordearen esanetan istiluak "aitzakiatzat" hartu dira magrebtar gazteak "seinalatu, kriminalizatu eta jipoitzeko" –San Joan gaueko erasoak gazte batzuen artean zauritu bat eragin zuen liskarraren ostean egin ziren– eta ezin da halakorik onartu.
Gainera, sare sozialen, komunikabideen eta poliziaren ardura azpimarratu du, "gezurren, beldurren eta segurtasun ezaren" pertzepzioa "eraiki" egiten delako: "Oso larria da bortxaketa bezalako gertaerak asmatzea arrazismoa hauspotzeko", esan du, aurreko asteetan herrian zabaldutako bulo bat gogora ekarrita: "Bortxaketak banalizatzeko modua da, gainera. Ez erabili emakumeon gorputza eta gure ongizatea jatorri magrebtarreko gazteak deshumanizatzeko eta kriminalizatzeko", esan du.
"Oso larria da bortxaketa bezalako gertaerak asmatzea arrazismoa hauspotzeko. Bortxaketak banalizatzeko modua da, gainera. Ez erabili emakumeon gorputza eta gure ongizatea jatorri magrebtarreko gazteak deshumanizatzeko eta kriminalizatzeko"
WhatsAppean, kuadrillan zein parrandan, aurre egin jarrera faxistei
Horren guztiaren aurrean, hernaniarrei dei egin diete "herritar bezala" duten ardura "indibidual eta kolektiboa" hartu eta "ultraeskuinak hauspotzen dituen balio arrazistei aurre egiteko" esparru guztietan: "Sare sozialetan, WhatsApp taldeetan, kuadrillan, lantokian, kirol taldeetan, parrandan, familietan...".
Batzordea osatzen duten eragile guztiek eta Amherrek euren postura irmo azaldu dute: "Faxismoari eta arrazakeriari bidea itxiko diogu".
Hernaniarrei dei egin diete "herritar bezala" duten ardura "indibidual eta kolektiboa" hartu eta "ultraeskuinak hauspotzen dituen balio arrazistei aurre egiteko" esparru guztietan
Jaien amaierako mezuan ere bai
Hernaniko San Joan jaien amaieran, bandera jaitsiera egin duten Hernaniko Kronika-ko eta Kantaitako kideek ere aipamena egin diete jaietan bizitako erasoei.
"Pena handia eman digu egunotan zenbait albiste idatzi behar izatea", esan du Kronika-ko ordezkariak, eta bat egin dute arrazakeriari aurre egiteko zabaldutako mezuarekin.
Ideia bat argi duenean, oztopoak oztopo aurrera doa Rakel Mateo triatleta (Mungia, Bizkaia, 1975). 2001ean lan istripu bat izan ostean, ezkerreko hanka txikituta geratu zitzaion. Horren ondorioz, kirol egokitua deskubritu zuen eta hiru Paralinpiar Jokotan parte hartu du.
Frankistek Txiki eta Otaegi fusilatu zituztela 50 urte bete direnean, ekitaldi jendetsua egin du Sortuk Iruñeko Anaitasuna pabiloian. “Bakarren batzuk haien memoria kriminalitzatzen eta jazartzen jarraitzen dute”, esan du alderdiko idazkari nagusi Arkaitz... [+]
Txikitatik pentsatu nuen nortzuk ote ziren paretetan, karteletan, oroitarritan, asteroko manifestazioetako aurpegi horiek. Baziren eskelak egunkarietan eta herriko plazan, baina gero, baziren besteak. Ez nituen inoiz kaletik ikusi, ez nekien izenik, baina edozein herritan... [+]
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Asteburuan, Errekaleor auzoko urteurrenaren jaiak ospatuko dira, programazio zabalarekin. Gudari Eguna bitarte, umeentzako ekimenak, herri bazkaria eta kontzertu eta DJ sorta polita bilduko dira.
Bernedoko hezitzaileen aurkako salaketa publikoak zabaldu dira azken asteetan, besteak beste, nerabeak dutxa mistoak izatera "behartzeagatik". Hezitzaileek gezurtatu egin dute halakorik zein gazteekiko tratu okerrik, eta gaitzetsi dute "mezu transfoboak zabaltzeko... [+]
Guido Crosetto Italiako Defentsa ministroak iragarri duenez, Kretatik gertu zihoan ontzi militar bat "misio humanitarioan" hurbilduko da Flotillara .
Israelek genozidioa justifikatzeko darabilen argudio nagusia da Gaza eta Hamas parekatzea. Denak dira terroristak edo terroristen lagunak. Logika hori ondo ezagutu eta sufritu dugu Euskal Herrian. Bada, Erresuma Batuan ere indarrean sartu dute, Palestinarekiko elkartasun... [+]
Euskal Herriko Pentsiodunen Mugimenduak sustatutako Herri Ekimen Legegilea (HEL) izapidetzearen kontra Eusko Jaurlaritzak oraintsu egin duen txostenaren kontra ehunka lagun mobilizatu dira larunbat goizean Donostian, Bilbon eta Gasteizen. Pentsio minimoa lanbide arteko... [+]
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Truth Social bere sare sozialean eman du berria Erresuma Batuan egin duen bisitaldian, eta adierazi du mugimendua erakunde terrorista izendatuko duela. Legelari askok, ordea, laster azpimarratu dute hori egiteko AEBetako presidenteak izango dituen arazoak.
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
