Heriotza zigorrik ez Pablo Ibarrentzat

  • Bizi osorako espetxealdia ezarri dio Floridako epaitegiak. Ibarren senideak pozik agertu dira, baina errugabea dela defendatzen dute, eta epaiketa berria eskatzeko izapideak hasiko dituztela jakinarazi dute.


2019ko maiatzaren 23an - 08:36
Pablo Ibar Floridako epaitegian

Floridako Fort Lauderdaleko epaitegiak eman du epaia. Pablo Ibarri heriotza zigorra kendu, eta bizi osorako espetxealdia ezarri dio. Herri epaimahaia hamabi lagunek osatu dute. Nahikoa zen haietako bat heriotza zigorrarekin ados ez agertzea, eta defentsak hori lortu du. Fiskala irmo mantendu da heriotza zigorraren alde.

Ibarren familia eta Heriotza Zigorraren Aurkako Pablo Ibar Elkartea pozik agertu dira erabakiarekin. Pozik, baina ez konforme; Ibar errugabea dela defendatzen dute. Hori dela eta, epaiketa berria eskatzeko izapideak hasiko dituztela jakinarazi dute jada. Bideak luze joko du, edonola ere. Bien bitartean, Ibar heriotza korridoretik aterako dute, bizi-baldintzak hobetzea ekarriko diona. Besteak beste senitartekoen bisitak izango ditu, hiru urtez pantaila bidez soilik erlazionatu ostean.

2000. urtean heriotza zigorrera kondenatu zuten Ibar. 2016an Floridako Epaitegi Gorenak epaiketa berria agintzea lortu zuen defentsak, frogen ahultasuna eta zigortuak izan zuen defentsa eskasa argudiatuta. Aurtengo urtarrilaren 19an epaitegi berri batek heriotza zigorrera kondenatu du berriz ere jatorri euskalduneko amerikarra. Oraingoan, ordea, epaiketa berria lortzekotan, ezinezkoa litzateke Ibar heriotza zigorrera kondenatzea.

46 urte, 25 espetxean

1994an Floridako klub batean hiru pertsona hiltzea leporatzen diote Pablo Ibarri. Gertaeratik bi astera atxilotu zuten droga trafikoarekin erlazionatutako polizia operazio batean. Ibarrek hasieratik onartu du droga kontuekin lotura izatea, baina uneoro ukatu du hilketekin zerikusia duenik. 46 urte ditu, 25 eman ditu espetxeratua, horietarik 16 heriotzaren korridorean. AEBetan 2.721 pertsona daude preso heriotza korridoreetan, 354 Floridako Estatuan.


Kanal honetatik interesatuko zaizu: Justizia
'Bakegileak' errugabetzeko eskatu dute hainbat eragile eta sindikatuk

Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.


Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Tarajalgo sarraskitik 10 urtera, genozidio isila Atlantikoko mugan

Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]


Tarajalgo sarraskiak 10 urte: "Bizirik irten zirenak berriz kriminalizatu dituzte”

Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]


Eguneraketa berriak daude